ورىستىڭ ۇلى جازۋشىسى انتون چەحوۆ مينىا قان قۇيىلىپ اجال قۇشقان. بريتاندىق جازۋشىلار وسىنداي قورىتىندىعا كەلدى. بۇل تۋرالى Qamshy.kz اقپارات اگەنتتىگى The Times باسىلىمىنا سىلتەمە جاساپ حابارلايدى.
جازۋشى 1904 جىلدىڭ 15 شىلدەسىندە گەرمانياداعى بادەنۆايلەر كۋرورتتىق ايماعىنىڭ قوناقۇيىندە جان ءتاسىلىم ەتكەن. بۇعان دەيىن جۇرت چەحوۆ جۇرەك تالماسى ۇستاپ قايتىس بولدى دەگەن اقپارعا سەنىپ كەلدى. سونداي-اق تۋبەركۋلەز اۋرۋىنا شالدىققان دەگەن بولجامدار دا ايتىلدى.
ۇلىبريتانيا عالىمدارى جازۋشىنىڭ جەيدەسىن حيميالىق ساراپتاماعا جىبەرىپ، ءولىمىنىڭ ناقتى سەبەبىن انىقتادى. جەيدەگە تۋبەركۋلەزدىڭ باكتەرياسىنان باسقا اقۋىز زاتتىڭ بارى انىقتالدى. زەرتتەۋشىلەردىڭ ايتۋىنشا، جازۋشىنىڭ قان تامىرلارى بىتەلىپ، ميىنا قان كەتكەن.
ايتا كەتەيىك، 2017 جىلدىڭ جازىندا وتكىزىلگەن ساۋالناما ناتيجەسى بويىنشا انتون چەحوۆ رەسەيلىكتەردىڭ ەڭ سۇيىكتى جازۋشىلارىنىڭ تىزىمىندە كوش باستادى.
