جاستايىنان ۇرلىق جاساپ، تۇرمەگە ءتۇسىپ، سونىڭ سالدارىنان ۇلكەن قيىندىقتارعا تاپ بولعان ەر ادامنىڭ قاماۋدان كەيىنگى باستان وتكەرگەن وقيعاسىن Qamshy.kz اقپارات اگەنتتىگى وقىرمان نازارىنا ۇسىنادى.

16 جاسىمدا اناما ۆاگونداعى جۇكتەردى تاسىپ جۇمىس ىستەپ ءجۇرمىن دەپ وتىرىك ايتاتىنمىن. شىن مانىندە، ۇرلىق جاساپ اقشا تاۋىپ، كۇن كورىپ جۇرگەنمىن دەيدى 39 جاستاعى ەدۋارد.

جاستىق شاق. سول ۋاقىتتا العاشقى سۇيىكتى قىزىم پايدا بولدى. ونىڭ جاسى 21-دە بولاتىن. سونىڭ كوڭىلىن اۋلاپ، سىيلىق الىپ بەرۋ ءۇشىن اقشا كەرەك بولدى. ەڭ العاش تۇرمەگە وسى ۇرلىق ءۇشىن وتىردىم. قاماۋدا بولعان ۋاقىتتا يزولياتوردان شىقپايتىنمىن. سەبەبى اكىمشىلىكپەن ءجيى ۇرىس-كەرىس ورنايتىن. مەنى ۇرىپ-سوعاتىن، تىنىشتاندىرۋ ءۇشىن ءتۇرلى ادىس-تاسىلدەردى قولداناتىن.

وسىدان ون جىل بۇرىن بوستاندىققا شىقتىم. قاماۋدان شىققاننان كەيىن ءومىرىم توزاققا اينالدى.

اناما قارايلاسىپ جۇرگەن تۋىستارىم ونى جىندىحاناعا جاتقىزىپ تاستاعان ەكەن. ونى ول جەردەن الىپ كەتۋگە تىرىستىم، الايدا سانيتار قىزمەتكەرلەرى ۇرىپ-سوعىپ قۋىپ جىبەردى. وسىعان قاراماستان انامدى جىندىحانادان الىپ كەتتىم. ول جەردە انامدى دارى-دارمەككە «وتىرعىزىپ» تاستاعان ەكەن. باسقا تۇسكەن اۋىرتپالىقتىڭ بۇل بەرگى شەتى عانا.

تۋىسقان باۋىرىم پاتەرىمدى تارتىپ الماقشى بولدى. مەنى يتشە تەپكىلەپ، مەن جاساماعان ۇرلىق ءۇشىن پاتەرىمدى بەرۋىمدى تالاپ ەتتى. الايدا، پوليسيا مەنىڭ ول ايتىپ وتىرعان ۇرلىقتى جاساماعانىمدى انىقتادى. باۋىرىم وعان دا بوي بەرمەي، تۋعان اپامىزدى ورتەپ جىبەرگەن. وسىنىڭ ءبارىن ول اپامىزدىڭ پاتەرىن الۋ ءۇشىن ىستەگەن. سۇمدىق...

ءوزىم سياقتى قوعامنان وقشاۋ ءومىر سۇرەتىن ايەل تاۋىپ، سونىمەن قوسىلدىم. قىزدى بولدىق. الايدا، مەنىڭ ءسوزىم ايەلىمە وتپەيتىن، سەبەبى ءوزىم دە دۇرىس ۇلگى بولا المادىم. ءبىر كۇنى ايەلىم مەن بىرنەشە ەر ادامنىڭ پىشاق تاقاعانىنان ويانىپ كەتتىم. ولار مەنەن پاتەردى ءوز اتتارىنا اۋدارۋدى تالاپ ەتتى.

قالىپقا كەلتىرۋ ورتالىعىنا ەمدەلۋگە بارىپ كەلگەن سوڭ ايەلىم ءبىزدىڭ ۇيىمىزدە ەسىرتكى ساۋداسىمەن اينالىسىپ جۇرگەنىنىڭ ۇستىنەن ءتۇستىم. پوليسيا شاقىرتىپ ەدىم، ولار پاتەر ىشىندەگىلەردى ەمەس مەنى قۋىپ شىقتى.

انام كوز جۇمدى. ايەلىم ليۋبا بولسا مەنىڭ اتىما 53 ارىز جازعان. ناتيجەسىندە ليۋبا تۇرمەگە وتىردى، ونى اتا-انا قۇقىعىنان ايىردى.

"مەنى وزگەرتكەن شىركەۋ بولدى. شىركەۋگە بارىپ جۇرگەن ۋاقىتتا مەنى قايتا قاماۋعا الماقشى بولدى. الايدا وسى كەزدە ۆالەنتين ۆاسيليەۆيچ ەسىمدى ەر ادام سوتتى مەنى قاماۋدىڭ ورنىنا مىندەتتى جۇمىستار جاساۋعا كوندىردى. قازىرگى جۇبايىمدى سول ۋاقىتتا كەزدەستىردىم. ونىڭ دا ەسىمى ءبىرىنشى ايەلىمدىكى سياقتى ليۋبوۆ. مەنى بارلىق ماعىنادا ماحاببات قۇتقاردى"-دەيدى ول.