جاقىندا عانا ۇلتتىق ارنادان كورسەتىلگەن «قوزى-كورپەش بايان-سۇلۋ» ەپوسىنا بايلانىستى تەلەحيكايا قوعامدا قىزۋ تالقىلانىپ جاتىر. سىن مەن ماداق قاتار ايتىلىپ، جۇرت پىكىرى قاق جارىلعان ونەر تۋىندىسى تۋراسىندا Qamshy.kz ءتىلشىسى ق ر ەڭبەك سىڭىرگەن قايراتكەرى ءجۇرسىن ەرماننىڭ پىكىرىن ءبىلدى.
«قوزى-كورپەش بايان-سۇلۋ» دەگەن ەپوس، قازاق ونەرىنىڭ ماڭگىلىك تاقىرىبى بولىپ كەلە جاتىر. مىنا جانات قاجييەۆ دەگەن رەجيسسەر، تورعايدا جۇرگەندە، تورعاي تەاترىندا وسى سپەكتاكلدى قويىپ، مەن عاجايىپ قالعانىم بار. اۋەزوۆ تەاترىنداعى «قوزى-كورپەش» پەن مۇنىڭ ەكەۋىنىڭ اراسى جەر مەن كوكتەي بولدى. ەندى ءار رەجيسسەردىڭ كورۋىنە بايلانىستى عوي. فيلم دە شىقتى. ءقازىر مىناۋ «قازاقستان» ۇلتتىق ارناسىندا تۇسىرىلگەن «قوزى-كورپەش بايان-سۇلۋ» سەريال، قوعامدىق ورتادا ءبىر ۇلكەن وقيعا سياقتى سوزگە اينالىپ كەتتى. مەن مىنا الەۋمەتتىك جەلىگە ونشا اۋەستىگىم جوق، بىراك اندا-ساندا قازىر اشىپ قالسام بولدى، سودان باسقا قازاق قوعامىندا ماسەلە قالماعانداي، وسىنى ءسوز قىلىپ جاتىر. ەندى ونىڭ كوركەمدىك ساپاسى، باسقا كەمىشىلكتەرى بار شىعار، ءبىراق «قازاقستان» ۇلتتىق ارناسىنىڭ باستى ءونىمى بۇل ەمەس قوي. ۇلتتىق ارنا قازاقستاننىڭ اياعىنان تۇرىپ، اقپارات ايدىنىندا ءوزىنىڭ ورنىن تابۋ دەگەن وڭاي شارۋ ەمەس. اسىرەسە تەلەديداردىڭ شارۋاسى، قارجىدان باستاپ نەشە ءتۇرلى ساياساتتىڭ، ونەردىڭ باسىن قوساتىن جەردە ەرلان قارين ۇلتتىق ارنانى جاڭعىرتامىن، جاساندىرامىن، قوعامعا جاقىنداتامىن دەپ تالاي شارۋانى باستان وتكەرىپ جاتىر.
ءقازىر حالىققا جاقىنداۋ، ەركىن پىكىر ايتاتىن ادامدار ۇلتتىق ارنانىڭ ەكرانىنا شىعا باستادى. بۇل وڭاي شارۋا ەمەس. ەندى سول اعاش اتتىڭ باسىنا مىنگىزىپ، ءبىر سەريالدىڭ توڭىرەگىندە گۇىلدەتۋدىڭ قانشالىقتى قيسىنى بار؟ بۇل جوباسى سول ۇلتتىق ارنانىڭ، ونىڭ باسشىلارىنىڭ جاساپ جاتقان جاڭا قادامدارىنا بوگەسىن بولۋ، باسقا ءبىر بوتەن ويلار بار ما؟ ءبىراق ءبارىبىر ۇلتقا جان اشىعان كىسىلەردىڭ شارۋاسى ەمەس! وسىنى قاراپايىم حالىق تا كورىپ، ءتۇسىنىپ، ءبىلىپ وتىر ەندى. ويلاناتىن ادامدار ۇعىنىپ جاتىر. سوندىقتان، كەشە مىسالى، وسىدان بەس-التى جىل بۇرىن، ءدال سول ۇلتتىق ارنادا مىنا ءۇندىنىڭ ءبىر سەريالى ءجۇرىپ جاتتى عوي. «كەلىن» دەگەن. كۇندە قۇدايدىڭ قۇتتى كۇنى، كىسىلەردىڭ باسىن اينالدىرىپ، جاڭاعى ارزان نارسە، ال سول كەزدە قايدا قالدى وسى جۇرت، ايتاتىن بولسا؟ قانشاما ادامنىڭ ميىن ۋلادى! انشەيىندە ەرمەك قىلاتىن نارسە عوي! ال ەندى ءقازىر مىنا ءبىر ءوزىمىزدىڭ ەپوسىمىز كينوعا اينالعان ەكەن، ءساتتى شىعار، ءساتسىز شىعار، نەگە وسىنى سونشاما سوزىپ كەتتىك؟ وسىنىڭ ار جاعىندا ءبىر جاڭاعى ساياسي كوزقاراستار، ويىندار تۇرعان سياقتى بولىپ كورىنەدى ماعان. قازاق قوعامى – وسىنى قاشان توقتاتادى؟ وسى ءوزىمىزدى-وزىمىز اياقتان شالىپ، ءوزىمىزدى-وزىمىز ءىرىتىپ-شىرىتۋدى قوياتىن كەز بولدى عوي.»
