بۇگىندە عالىمدار ادام اعزاسىن جانۋار بويىندا ءوسىرىپ، جەتىلدىرۋ جۇمىستارى ءۇشىن كوپتەگەن جىل ەڭبەك ەتتى. ال سونىڭ ناتيجەسىندە جوسپارلار ءبىرقالىپتى جۇزەگە اسىپ جاتىر. دەي تۇرعانمەن ، بۇل جاعدايدىڭ سوڭى نەمەن اياقتالاتىنى كوپشىلىكتى الاڭداتىپ وتىر.
وسىدان 120 جىل بۇرىن گەربەرت ۋەللستىڭ «وستروۆ دوكتورا مورو» رومانىندا دارىگەردىڭ جانۋارلاردان ادام جاساپ شىعاراتىنى ايتىلعان.
ال 2016 جىلى بريتانيالىق Daily Mail باسىلىمى «عالىمدار ادام مەن جانۋاردىڭ اعزاسىن ارالاستىرىپ، بەيتانىس تىرشىلىك يەسىن جاساپ شىعارماق» دەپ حابارلانعان بولاتىن.
«عىلىمدار ادام مەن جانۋار اراسىنداعى توسقاۋىلدى بۇزباقشى» دەپ جازدى بىرنەشە اي بۇرىن Washington Times. ماقالا اۆتورى جاقىن ارادا ەسى بار جانۋارلار زەرتحانالاردان بوساپ شىعادى دەپ جازعان.
دارىگەرلەر ادام اعزاسىن ترانسپلانتاسيالاۋدى قاجەت ەتەتىن پاسيەنتتەر ءۇشىن جەكە ادام اعزالارىن جانۋارلاردىڭ ەمبريوندارىندا ءوسىرۋدى جوسپارلاعان. بۇل ءتاسىل وپەراسيا جاساۋ ءۇشىن ۇزىن سونار كەزەكتى ازايتۋعا سەپتىگىن تيگىزەدى دەپ قارالىپ وتىر.
اتالعان جوسپارعا 30 جىلدان استام ۋاقىت عىلىمي ىزدەنىس جۇرگىزىلدى. عالىمدار تاجىريبە ارقىلى كەيبىر جۇمباقتىڭ جاۋابىن تاپتى. ءارتۇرلى تىرشىلىك يەلەرىنىڭ اعزالارى اراسىنداعى ايىرماشىلىق پەن بايلانىستى انىقتاپ، جانۋاردىڭ قۇرساعىندا ءتىرى اعزانىڭ جەتىلۋىن انىقتادى.
«بۇگىنگى تاڭدا بۇيرەك اۋىستىرۋ ءۇشىن كەمىندە 3 جىل كەزەكتە تۇرۋ قاجەت. ال شوشقا دەنەسىندە بۇل اعزانى 5 اي ىشىندە ءوسىرىپ شىعۋعا بولادى»، دەپ مالىمدەپ وتىر اعىلشىن عالىمدارى.
سونىمەن قاتار، «باسقا جانۋارلارمەن سالىستىرعاندا كەز كەلگەن اعزا شوشقادا تەز جەتىلەدى» دەپ كورسەتىپ وتىر عالىمدار.
«دارىلەردى شىعارعان كەزدە ەڭ ءبىرىنشى جانۋارلارعا سىناپ كورەدى. ول كەزدە جانۋارلاردىڭ اعزاسى ءدارىنى قابىلدايدى، ال ادامعا كەلگەندە كەيدە كۇتپەگەن جاعداي ورىن الىپ جاتادى. ناتيجەسىندە ءدارى دە، ۋاقىت تا، اقشا دا بوسقا كەتكەن بولىپ ەسەپتەلەدى» دەپ اتاپ ءوتتى يسپۋسۋا بەلمونتە ەسىمدى عالىم.
ال ەگەر ادام اعزاسىنا پايدالى، جارامدى ءدارىنى ادام اعزالى شوشقاعا تەكسەرىپ كورەر بولساق، ءتيىمدى بولماق دەپ كورسەتىپ وتىر.
اقش-تىڭ دەنساۋلىق ساقتاۋ ۇيىمى اتالمىش تاجىريبەگە 2،5 ملن دوللار كولەمىندە قارجى ءبولىپ وتىر. قارجىلاي قولداۋ بىلدىرگەندەر، حيمەرلەر جاساپ شىعارۋدا ادام جاسۋشاسى ەمەس مايمىلدىڭ جاسۋشاسى قولدانىلۋ كەرەك دەگەن شارت قويعان.
