قازاقستان رەسپۋبليكاسى ءدىن ىستەرى جانە ازاماتتىق قوعام ءمينيسترىنىڭ بۇيرىعىنا سايكەس، 2018 جىلعى 15 قاڭتاردان باستاپ «ۇكىمەتتىك ەمەس ۇيىمداردىڭ ءوز قىزمەتى جونىندەگى مالىمەتتەرىن ۇسىنۋ جانە ولار تۋرالى دەرەكقوردى قالىپتاستىرۋ ەرەجەلەرىنىڭ» جەڭىلدەتىلگەن نۇسقاسى قولدانىسقا ەنگىزىلدى، دەپ جازادى Qamshy.kz اقپارات اگەنتتىگى.
جەڭىلدەتىلگەن ەرەجەلەرگە سايكەس:
- ۇەۇ دەرەكقورىنا مالىمەتتەردى ەنگىزۋ بويىنشا نىسان وڭتايلاندىرىلدى: ءبىرقاتار تارماقتار جويىلدى جانە ناقتىلاندى، ىڭعايلى تولتىرۋ ءۇشىن اقپارات كەستە تۇرىندە ۇسىنىلدى؛
- نىساندى تولتىرۋ بارىسىندا دۇرىس جانە جۇيەلەنگەن اقپاراتتى قامتاماسىز ەتۋ ءۇشىن وڭىرلەر، ۇيىم قىزمەتىنىڭ باعىتتارى، ونىڭ ۇيىمداستىرۋشىلىق-قۇقىقتىق نىساندار بويىنشا ءتيىستى تىزىمدەر قوسىلدى؛
- قۇرىلتاي قۇجاتتاردى، بۋحگالتەرلىك تەڭگەرىمدى ۇسىنۋعا تالاپ ەتەتىن نورمالار جويىلدى؛
- ۇيىمنىڭ كىرىس جانە شىعىس تۋرالى تارماقتار سالىق ەسەبىنىڭ نىسانىنا سايكەستەندىرىلدى.
2017 جىلعى 1 ناۋرىزدان باستاپ «ۇەۇ دەرەكقورى» اقپاراتتىق رەسۋرسى (infonpo.kz) ءوز جۇمىسىن باستاعان بولاتىن. مالىمەتتەردى infonpo.kz ۆەب-پورتال ارقىلى ەلەكتروندىق تۇردە ۇسىنۋ ءۇشىن حالىققا قىزمەت كورسەتۋ ورتالىعىنان (حقكو) ەلەكتروندىق سيفرلىق قولتاڭبا (ەسق) الۋ قاجەت.
مالىمەتتەردى پوشتا ارقىلى نەمەسە قاعازدى جانە ەلەكتروندىق تاسىمالداۋشىدا (CD-ديسكتەر نەمەسە DOC، DOCX فورماتىندا USB-فلەش ارقىلى) قولما-قول تاپسىرۋ بالامالى نۇسقا بولىپ تابىلادى. ۇەۇ تۋرالى مالىمەتتەردى ىلەسپە حاتپەن قوسىپ، پوشتا ارقىلى نەمەسە قولما-قول كەلەسى مەكەن-جايعا جولداۋعا بولادى: 010000، استانا ق.، ەسىل اۋدانى، ماڭگىلىك ەل داڭعىلى، 8، 15ء-شى كىرەبەرىس، قازاقستان رەسپۋبليكاسى ءدىن ىستەرى جانە ازاماتتىق قوعام مينيسترلىگىنىڭ ازاماتتىق قوعام ىستەرى كوميتەتى.
Infonpo.kz اقپاراتتىق رەسۋرسى ىسكە قوسىلعان 1 جىل ۋاقىت ىشىندە ءوز قىزمەتى تۋرالى مالىمەتتەرىن ەلەكتروندىق تۇردە بەلگىلەنگەن مەرزىمدە 3000 مىڭعا جۋىق ۇەۇ (ۇكىمەتتىك ەمەس ۇيىمدار) ۇسىنعان. بۇل سايتپەن جۇمىس جۇرگىزۋدىڭ قولجەتىمدىلىگى مەن ەسەپ بەرۋ نىسانداردى تولتىرۋ ءراسىمىنىڭ جەڭىلدەگەنىن كورسەتەدى.
جوعارىدا باياندالعاننىڭ نەگىزىندە infonpo.kz اقپاراتتىق رەسۋرسى ارقىلى ۇكىمەتتىك ەمەس ۇيىمداردىڭ 2017 جىلعى قىزمەتتەرى تۋرالى مالىمەتتەرىن 2018 جىلدىڭ 31 ناۋرىزىنا دەيىن تاپسىرۋلارىن سۇرايمىز.
پىكىر قالدىرۋ