الماتىدا بالالار مەن جاسوسپىرىمدەردىڭ پسيحيكالىق دەنساۋلىعىن نىعايتۋ ماسەلەلەرى جونىندە تۇڭعىش حالىقارالىق كونفەرەنسيا وتەدى، دەپ جازادى Qamshy.kz اقپارات اگەنتتىگى.
19-20 قاڭتار كۇنى الماتىدا قازاقستان رەسپۋبليكاسىنىڭ ءبىلىم جانە عىلىم مينيسترلىگى، بۇۇ بالالار قورى (يۋنيسەف) مەن Bilim Foundation قوعامدىق قورى جاسوسپىرىمدەردىڭ پسيحيكالىق دەنساۋلىعىن نىعايتۋ جانە سۋيسيدتەردىڭ الدىن الۋ ماسەلەلىن شەشۋدىڭ ەڭ ءتيىمدى ادىستەمەلەرىن تالقىلايتىن كونفەرەنسيا وتكىزەدى.
كونفەرەنسيا جۇمىسىنا ماماندانعان حالىقارالىق ۇيىمدار وكىلدەرى، پسيحيكالىق دەنساۋلىق سالاسىنداعى وتاندىق جانە الەمدىك جەتەكشى ماماندار قاتىسادى.
جىل سايىن الەمدەگى جاسوسپىرىمدەردىڭ 10%-ى دەنە مۇشەلەرىن زاقىمدايدى جانە 67،000 ءجاسوسپىرىم وزدەرىنە سالعان جاراقاتتارى ناتيجەسىندە كوز جۇمادى. سۋيسيد جاسوسپىرىمدىك جاستاعى قىزدار مەن ۇلدار اراسىندا تىسقارى سەبەپتەردەن كوز جۇمۋدىڭ باستى سەبەپتەرى اراسىندا تۇراقتى ورنىققان.
كونفەرەنسيا اياسىندا قازاقستان يۋنيسەف-تىڭ كومەگىمەن ەنگىزىلىپ جاتقان پسيحيكالىق دەنساۋلىق جانە ومىرلىك داعدىلاردى قالىپتاستىرۋ، كامەلەت جاسقا تولماعاندار اراسىندا ءسۋيسيدتىڭ الدىن الۋىنا باعىتتالعان كەشەندى باعدارلامانى ۇسىنادى.
ورنى مەن ۋاقىتى: ءال-فارابي اتىنداعى قازۇۋ كىتاپحاناسى، 19 قاڭتار 2018 جىل، 08:30
اككرەديتاسيا جانە قوسىمشا اقپارات الۋ ءۇشىن كەلەسى قىزمەتكەرمەن حابارلاسىڭىزدار:
زارينا نۇرمۇحامبەتوۆا، يۋنيسەف قوعاممەن بايلانىس مامانى
+ 7 777 734 3019 znurmukhambetova@unicef.org
پىكىر قالدىرۋ