كەز-كەلگەن ەل ءوز ەلىنىڭ كەلەشەگىن  وسكەلەن ۇرپاقپەن بايلانىستىرادى.  قايسار رۋح پەن قارا كۇشتى قارۋ ەتىپ، ەركىندىك ءۇشىن كۇرەسكەن بابالارىمىزدىڭ ەرلىك جولىنداعى كۇرەسى بۇگىنگى تاڭدا ايبىنى اسپان تىرەگەن تاۋەلسىزدىك تۇعىرىن بيىكتەتتى. ەلباسىمىزدىڭ كەرەمەت ءسوزى «قارا سۋدا قايماق بولمايدى. حاس شەبەردە ويماق بولمايدى»، - دەگەن. ويماقسىز-اق حالىقتىڭ ويىنان شىعۋ ءۇشىن، ارينە، تاعىدا ءبىلىم مەن اۋىزبىرشىلىك كەرەك. قالايدا بولماسىن وسى تاۋەلسىز ەلىمنىڭ ءبىر كادەسىنە جارايىن دەگەن قازاقستاننىڭ ءار پەرزەنتىنە مۇمكىندىك بار. قازىرگى زاماندا بابامىزدىڭ تابانى تيمەگەن جەرگە، بالامىزدىڭ قالامى تيەتىن زامان. وسىنداي مۇمكىندىكتەردى پايدالانىپ بىرگە اتسالىساتىن ۋاقىت كەلدى.

قاڭتاردىڭ 12ء-شى جۇلدىزىندا قاسيەتتى قارا شاڭىراعىمىز قازاقستان رەسپۋبليكاسى ۇلتتىق كىتاپحاناسىندا «جاستار كەڭەسىنىڭ» ۇيىمداستىرۋىمەن «بۇگىنگى جاستار-ەرتەڭگى بولشاعىمىز» اتتى دوڭگەلەك ۇستەل وتكىزىلدى. كىتاپحاناشىلاردىڭ باسىن قوسقان بۇل جيىندا ۇلتتىق كىتاپحانا ديرەكتورىنىڭ ورىنباسارى اجار حاميت قىزى ءسوز الىپ، جاستارعا ۇلكەن سەنىم ءبىلدىردى. جيىندى ۇلتتىق كىتاپحانامىزدىڭ جانىنان قۇرىلعان  «جاستار كەڭەسىنىڭ» مۇشەلەرى ەلباسىنىڭ جولداۋىمەن جالعاستىردى. ق ر پرەزيدەنتى ن.ءا.نازاربايەۆ 2018 جىلدىڭ 10 قاڭتاردا قازاقستان حالقىنا «ءتورتىنشى ونەركاسىپتىك ريەۆوليۋسيا جاعدايىنداعى دامۋدىڭ جاڭا مۇمكىندىكتەرى» اتتى جولداۋىن جاريالانعانىن ايتا وتىرىپ، پرەزيدەنتتىڭ ءوز جولداۋىندا ەل دامۋىنىڭ 10 نەگىزگى مىندەتىن ناقتى كورسەتتى. سونىڭ ىشىندەگى «ادامي كاپيتال-جاڭعىرۋ نەگىزى» اتتى جەتىنشى تارماعىنا ەرەكشە توقتالدى. ادامي كاپيتالدىڭ جاڭعىرۋى كىتاپحانا ىسىمەن تىكەلەي بايلانىستى بولعاندىقتان، الماتى قالاسى بويىنشا ورتالىق عىلىمي كىتاپحاناسى،زاعيپ جانە ناشار كورەتىن ازاماتتارعا ارنالعان رەسپۋبليكالىق كىتاپحانا،رەسپۋبليكالىق عىلىمي-پەدوگوگيكالىق كىتاپحانا، سونىمەن قاتار ق.ي ساتبايەۆ اتىنداعى قازاق ۇلتتىق تەحنيكالىق زەرتتەۋ ۋنيۆەرسيتەتى،ءال-فارابي اتىنداعى قازاق ۇلتتىق ۋنيۆەرسيتەتتەرىنىڭ كىتاپحانالارى دا اتسالىستى.

جاستار كەڭ اۋقىمدى تالقىلاۋ جاساپ، جولداۋدىڭ ماڭىزى مەن ونىڭ ەرەكشەلىكتەرىنە توقتالىپ، جەكە وي-پىكىرلەرىن قىزۋ تالقىعا سالدى. جيىندا «جاستار كەڭەسىنىڭ» مۇشەلەرى الداعى جارتى جىلدىق  جوسپارلارىمەن ءبولىستى. ايتىلعان جوسپارلارعا اتسالىپ ق.ي.ساتبايەۆ اتىنداعى قازاق ۇلتتىق تەحنيكالىق زەرتتەۋ ۋنيۆەرسيتەتىنىڭ سيرەك كەزدەسەتىن كىتاپتار جانە ديسسەرتاسيا وقۋ زالىنىڭ قىزمەتكەرى مولداعوجانوۆا الماگۇل تولەۋحان قىزى الداعى ۋاقىتتاعى جوسپار بويىنشا بەلگىلەنگەن اقيىق اقىن-مۇقاعالي ماقاتايەۆتىڭ تۋىلعان كۇنىنە ارنالعان ارنايى كەشتى قولدايتىنىن جەتكىزىپ، وزىندىك كەرەمەت ويلارىمەن ءبولىستى.

جيىنعا كەلگەن جاس كىتاپحاناشىلارعا ارنايى ساۋالنامالار تاراتىلىپ، ۇلتتىق كىتاپحانامىزدىڭ وقىرمان بيلەتتەرى تابىستالدى. جيىننىڭ سوڭىندا الداعى ۋاقىتتا وسى جانە دە ەكىنشى تاراپتاعى جوسپارلاردى قوسا وتىرىپ بەلسەنە جۇمىس اتاقارامىز دەگەن شەشىمگە توقتالدى.

ايكەنجە جاقسىلىق قىزى،

ق ر ۇلتتىق كىتاپحاناسى

سيرەك كەزدەسەتىن كىتاپتار مەن قولجازبالار قىزمەتى