قازاقستاندىق ميتروپوليتتىك ايماقتىڭ اكىمشىلىك جانە رۋحاني-مادەني ميتروپوليت يوسيف (چەرنوۆ) اتىنداعى ورتالىعىندا استانا جانە قازاقستان ءميتروپوليتى الەكساندر مەن «ۋاقىپ» قازاقستاندىق قورى» كورپوراتيۆتىك قايىرىمدىلىق قورىنىڭ پرەزيدەنتى قايرات ايتبايدىڭ كەزدەسۋى ءوتتى، دەپ جازادى Qamshy.kz اقپارات اگەنتتىگى.

كەزدەسۋ قازاقستان رەسپۋبليكاسى ءدىن ىستەرى جانە ازاماتتىق قوعام مينيسترلىگىنىڭ جانە «ۋاقىپ» قورىنىڭ باستاماسىمەن ءوتتى.

كەزدەسۋدىڭ باستى تاقىرىبى - بيىلعى جىلدىڭ 7 اقپانىندا ورتەنىپ كەتەكەن الماتى وبلىسى، ەڭبەكشىقازاق اۋدانى تۇرگەن اۋىلىندا ورنالاسقان ارحيستراتيگا بوجيا ميحايلا پراۆوسلاۆ شىركەۋىن قالپىنا كەلتىرۋ جۇمىستارىنا «ۋاقىپ» قورىنىڭ قاتىسۋى بولدى.

قايرات ايتباي ميتروپوليت ايماعىنىڭ باسشىسىنا، ميحايل-ارحانگەلسك شىركەۋىنىڭ كەلۋشىلەرىنە، عيباداتحانانىڭ ورتەنىپ كەتۋىنە بايلانىستى ءوز وكىنىشىن ءبىلدىردى.

سونداي-اق، قور پرەزيدەنتى ميتروپوليت الەكساندرگە مەملەكەت باسشىسى ن.ءا. نازاربايەۆتىڭ باستاماسىمەن 2017 جىلى 1 شىلدەدە قۇرىلعان «ۋاقىپ» قايىرىمدىلىق قورىنىڭ ماقساتتارى مەن مىندەتتەرىن تانىستىردى. ونىڭ ايتۋىنشا، بۇل قور كوممەرسيالىق ەمەس قايىرىمدىلىق ۇيىمى بولىپ تابىلادى. ونىڭ قىزمەتى الەۋمەتتىك جوبالاردى، ءبىلىم بەرۋ جانە اعارتۋ جۇمىستارىن قارجىلاندىرۋعا، سونداي-اق ءدىني قىزمەتكەرلەردىڭ تيىمدىلىگىن ارتتىرۋعا جانە عيباداتحانالاردىڭ جۇمىس جاساۋىنا قولداۋ كورسەتۋگە باعىتتالعان. قور ءدىني راديكاليزمنىڭ الدىن الۋ، ازاماتتاردىڭ دەسترۋكتيۆتى ءدىني يدەولوگياعا قارسى يممۋنيتەتىن قالىپتاستىرۋ، دەسترۋكتيۆتىك ءدىني اعىمداردان زارداپ شەككەندەردى وڭالتۋ جۇمىستارى ءۇشىن كومەك كورسەتەتىندىگى جانە الەۋمەتتىك از قامتىلعاندارعا، جۇمىسسىزدارعا، مۇگەدەكتەرگە كومەك كورسەتۋمەن اينالىساتىندىعى ايتىلدى.

ءوز كەزەگىندە ميتروپوليت الەكساندر قازاقستانداعى الەۋمەتتىك جانە قايىرىمدىلىق قىزمەتتەردى عانا ەمەس، سونىمەن قاتار مەملەكەتتىك ورگانداردىڭ، كونفەسسيالاردىڭ باسشىلارىن، بيزنەس جانە عىلىم باسشىلارىن ەلدىڭ رۋحاني ادامگەرشىلىك جانە زياتكەرلىك دامۋىنا شوعىرلاندىرۋعا مۇمكىندىك بەرەتىن وسىنداي قايىرىمدىلىق قورىنىڭ پايدا بولۋىنىڭ وزەكتىلىگىن جانە ماڭىزدىلىعىن اتاپ ءوتتى. سونىمەن قاتار، ميتروپوليت وكرۋگىنىڭ باسشىسى قايرات ايتبايعا قازاقستان پراۆوسلاۆيەلىك شىركەۋىنىڭ قىزمەتى، ءبىلىم بەرۋ جانە الەۋمەتتىك قايىرىمدىلىق جوبالارىن جۇزەگە اسىرۋى، مەملەكەتتىك ورگاندارمەن، ۇكىمەتتىك ەمەس قوعامدىق ۇيىمدارمەن جانە ەلىمىزدىڭ ءداستۇرلى كونفەسسيالارىنىڭ باسشىلارىمەن، ەڭ الدىمەن قازاقستان مۇسىلماندارى ءدىني باسقارماسىمەن ءوزارا ءىس-قيمىلى تۋرالى ايتىپ بەردى.

بۇدان بولەك، تاراپتار قازاقستان ميتروپوليت وكرۋگى مەن «ۋاقىپ» قورىنىڭ ىنتىماقتاستىعى جانە ءوزارا قارىم-قاتىناس جاساۋ مۇمكىندىكتەرىن تالقىلادى.