قازگيدرومەت 15 اقپانعا ارنالعان اۋا رايى بولجامىن جاريالادى، دەپ حابارلايدى Qamshy.kz اقپارات اگەنتتىگى.

اتموسفەرالىق فرونتتاردىڭ وتۋىنە بايلانىستى بۇگىن قازاقستاننىڭ باسىم بولىگىندە تۇراقسىز اۋا رايى ساقتالادى. كەي جەرلەردە قالىڭ قار جاۋىپ، جەل كۇشەيەدى.

كەي وڭىردە تۇمان ءتۇسىپ، كوكتايعاق بولادى.

جامبىل وبلىسىندا تۇمان، كوكتايعاق، بۇرقاسىن بولىپ، جەلدىڭ كۇشەيۋى 15-20، ەكپىنى 25 م/س-قا جەتەدى.

شىعىس قازاقستان وبلىسىندا بۇرقاسىن بولىپ، جەل كۇندىز 15-20، تۇندە 25 م/س-قا دەيىن كۇشەيەدى.

الماتى وبلىسىندا تۇمان ءتۇسىپ، كوكتايعاق بولادى. تۇندە جەل 15-20 م/س-قا دەيىن جەتۋى مۇمكىن.

اقمولا، قوستاناي، پاۆلودار وبلىستارىنىڭ كەي جەرلەرىندە بۇرقاسىن بولادى، جەل 15-20 م/س كۇشەيەدى.

سولتۇستىك قازاقستان، قاراعاندى وبلىستارىنىڭ كەي جەرلەرىندە تۇمان بولادى، قاراعاندى وبلىسىندا جەل 15-20 م/س كۇشەيۋى مۇمكىن.

قىزىلوردا، وڭتۇستىك قازاقستان، ماڭعىستاۋ، اتىراۋ، باتىس قازاقستان، اقتوبە وبلىستارىنىڭ كەي جەرلەرىندە تۇمان تۇسەدى.

قىزىلوردا، وڭتۇستىك قازاقستان وبلىستارىندا جەلدىڭ كۇشى 15-20 م/س جەتەدى.