ساكەن مايعازييەۆ «استانا» ارانسىنداعى «سىرلاسۋ» باعدارلاماسىندا ءوزىن «ناماز وقىسا دا، ءان سالىپ ءجۇر» دەپ سىناعاندارعا جاۋاپ بەردى.
«مەن بىرەۋدى اراققا، ناشاقورلىققا، ءبىرجىنىستىلىققا شاقىرىپ جاتقان جوقپىن. نە بولماسا جارتىلاي جالاڭاش شىعىڭدار دەپ جاتقان جوقپىن. ءان ارقىلى وتانعا، اناعا دەگەن سۇيىسپەنشىلىگىمدى جەتكىزىپ ءجۇرمىن. جالپى ءاننىڭ دە قادىر-قاسيەتىن ءبىلۋىمىز كەرەك. ول دا تەگىننەن تەگىن ەمەس. كوپتەگەن شايىر، جىراۋ-جىرشىلارىمىز وسى شاريعاتتىڭ ءوزىن دومبىرامەن جەتكىزگەن. كەڭەس زامانىندا حاديس بولماسا قۇراندى ايتىپ وتىرعانىن بىلدىرتپەس ءۇشىن جىرمەن جەتكىزە بىلگەن. اللانىڭ حيكمەتىن جەتكىزۋ ماقساتىندا اباي، شاكارىم اتالارىمىز ولەڭدەر جازىپ كەتكەن. سول ورايدا كەيبىرەۋلەر اقىندىق، انشىلىك، ايتىسكەرلىكتى حارام دەپ جاتادى. ءبىز سوعان جەتپەي قالعان دۇنيەلەردى دۇرىستاپ الايىقشى. وتانىمىزدى ءسۇيىپ الايىق، ەلباسىمىزعا جاردەمشى بولىپ الايىق. كوزىمىزگە كورىنىپ تۇرعان نارسەلەردى قارىق قىپ الايىق»، – دەيدى ءانشى.
