ەۋرازيا ءبىرىنشى ارناسىنان شىعاتىن «قالاۋلىم» باعدارلاماسى 2018 جىلدىڭ 25 ساۋىرىنە دەيىن جابىلادى. اتالعان جاڭالىق Instagram جەلىسىندەگى "عيبراتتى اڭگىمەلەر" توبىندا جاريالاندى، دەپ جازادى Qamshy.kz اقپارات اگەنتتىگى.
«مەملەكەتتىك ارنالار اشىپ جاتقان تەلەجوبالار كورشى ەلدىڭ ەسكىرگەن تەلەباعدارلامالارىنىڭ ءساتسىز كوشىرمەسى ەكەندىگىن ەسكەرە وتىرىپ، سونىڭ ءبىرى ۇلتتىق مادەنيەتىمىزگە نۇقسان كەلتىرەتىن «قالاۋلىم» باعدارلاماسىن ساراپتامادان وتكىزىپ، ارى قاراي جۇمىس جاساۋىنا شەكتەۋ قويۋ. ورىنداۋ مەرزىمى – 25 ءساۋىر 2018 جىل»، – دەلىنگەن «نۇر وتان» پارتياسى جانىنداعى «ميراس» رەسپۋبليكالىق كەڭەسىنىڭ ۇسىنىسىندا.
