«جاڭا جاعدايدا جاڭعىرۋعا دەگەن ىشكى ۇمتىلىس – ءبىزدىڭ دامۋىمىزدىڭ
ەڭ باستى قاعيداسى. ءومىر ءسۇرۋ ءۇشىن وزگەرە ءبىلۋ كەرەك.
وعان كونبەگەندەر تاريحتىڭ شاڭىنا كومىلىپ قالا بەرەدى»
ن.ءا.نازاربايەۆ
ەلباسىمىز ن.ءا.نازاربايەۆتىڭ 2016 جىلعى 14 قاڭتارداعى №173 جارلىعىمەن 1 ناۋرىز العىس ايتۋ كۇنى بولىپ جاريالاندى.
قازاقستان حالقى اسسامبلەياسىنىڭ قۇرىلعان كۇنىندە ەلباسى تاعدىر تالكەگىمەن قازاقستان جەرىنە قونىس اۋدارىلعان وزگە ۇلتتارعا قامقور بولعان قازاق حالقىنىڭ دارحان مىنەزىن العا تارتا وتىرىپ، 1 ناۋرىز العىس ايتۋ كۇنىن اتاپ ءوتۋ ۇلتتار دوستاستىعىنىڭ بەلگىسى رەتىندە كورسەتتى.
«التىن دەگەن – جەر سىيى، العىس دەگەن – ەل سىيى» دەمەكشى قازاق حالقىنىڭ العىس ايتۋ ءداستۇرى كونە تۇركى مادەنيەتىنەن باستاۋ الادى.
بۇل ءداستۇردىڭ تۇپكى ماعىناسى – ريزاشىلىق ءبىلدىرۋ ارقىلى جاماندىقتان الشاق بولۋدى تىلەۋ.
ەلباسىمىزدىڭ دا «رۋحاني جاڭعىرۋ» اتتى ماقالاسىنىڭ نەگىزگى ءتۇيىنى نارىقتىق ەكونوميكا زامانىندا ۇلتىمىزدىڭ ءوز مادەنيەتىن، ءداستۇرىن قايتا تۇلەتە وتىرىپ باسەكەگە قابىلەتتى مەملەكەتكە اينالدىرۋ ەدى.
ءبىر سوزبەن ايتقاندا ەلدەگى باستالعان اۋقىمدى جوبالار قازاق حالقىنىڭ مادەنيەتى مەن داستۇرىنە باعىتتالۋى ءتيىس.
وسى ورايدا، پرەزيدەنتىمىزدىڭ يدەياسىن قولداۋ ماقساتىندا پروكۋراتۋرا ورگاندارى دا ەلىمىزدە قۇقىقتىق ءتارتىپتى نىعايتۋدا ءوز ۇلەسىن قوسىپ كەلەدى.
تاۋەلسىزدىك العالى بەرى مەملەكەت باسشىسىنىڭ قولداۋىمەن پروكۋراتۋرا قۇقىق قورعاۋ جۇيەسىنىڭ باستى ينستيتۋتى، سونداي-اق زاڭدىلىقتى نىعايتۋدىڭ، ادام، قوعام جانە مەملەكەت قۇقىقتارىن قورعاۋدىڭ قۇرالى رەتىندە تانىلدى.
قوعامدى قايتا تۇلەتۋگە، ۇمتىلعان داستۇرىمىزگە جاڭاشا ءومىر بەرۋ جانە ونى جاس ۇرپاقتىڭ بويىنا ءسىڭىرۋ بۇگىنگى اعا بۋىن وكىلدەرىنىڭ مىندەتى.
اتاۋلى كۇنى جاستا كارى دە بىر-بىرىنەن كەشىرىم سۇراپ، العىس ايتۋى ەلدىگىمىز بەن بىرلىگىمىزدىڭ جەمىسى دەپ بىلەمىن.
«جاقسىلىق – بۇل، كەرەڭنىڭ ەستي الاتىن، سوقىردىڭ كورە الاتىن دۇنيەسى» دەپ مارك تۆەن ايتقانداي، ادامعا جاقسىلىق جاساۋ، جاقسى نارسە تىلەۋ ادامدىقتىڭ بەلگىسى.
وسىعان وراي، ءوز قىزمەتتەرىن ادال اتقارعان وبلىس پروكۋراتۋراسىنىڭ 10 قىزمەتكەرىنىڭ اتا-انالارىنا سانالى تاربيە، ساپالى ءبىلىم بەرگەندەرى ءۇشىن ءوز اتىمنان العىس ءبىلدىردىم.
بۇل قادام، جاس مامانداردى جەتىستىككە جەتەلەيتىنىنە سەنەمىن.
اتىراۋ وبلىسىنىڭ پروكۋرورى
ە.سىبانقۇلوۆ
