قازاقستان جازۋشىلار وداعىنىڭ ءتوراعاسى بولىپ ۇلىقبەك ەسداۋلەت سايلاندى، دەپ حابارلايدى Qamshy.kz اقپارات اگەنتتىگى. 

ۇلىقبەك ەسداۋلەت سايلاۋعا تۇسكەن جالعىز ادام بولدى.

ۇلىقبەك ەسداۋلەتتىڭ ورىنباسارلارى بولىپ باقىت بەدەلحان، اقبەرەن ەلگەزەك، مەرەكە قۇلكەنوۆ پەن باۋىرجان جاقىپ تاعايىندالدى. 

ۇلىقبەك ورازباي ۇلى ەسداۋلەت 1954 جىلى 29 ساۋىردە شىعىس قازاقستان وبلىسى زايسان اۋدانى ۇلكەن قاراتال اۋىلىندا دۇنيەگە كەلگەن. س.م.كيروۆ اتىنداعى قازاق مەملەكەتتىك ۋنيۆەرسيتەتىنىڭ جۋرناليستيكا فاكۋلتەتىن  جۋرناليست ماماندىعى بويىنشا، م.گوركيي اتىنداعى ادەبيەت ينستيتۋتى جانىنداعى جوعارى ادەبي كۋرستاردىڭ پوەزيا ءبولىمىن ادەبيەتشى ماماندىعى بويىنشا بىتىرگەن.

گۋمانيتارلىق عىلىمدار اكادەمياسىنىڭ قۇرمەتتى اكادەميگى. قازاقستان جۋرناليستيكا اكادەمياسىنىڭ تولىق اكادەميك-مۇشەسى. م. اۋەزوۆ اتىنداعى سەمەي ۋنيۆەرسيتەتىنىڭ قۇرمەتتى پروفەسسورى.

قىزمەت جولىن شىعىس قازاقستان وبلىستىق گازەتىنىڭ كوررەكتورى بولىپ باستاعان. 2008 جىلدان بەرى «جۇلدىز» ادەبي جۋرنالىنىڭ باس رەداكتورى بولعان.