دۇنيەجۇزىلىك دەنساۋلىق ساقتاۋ ۇيىمى اسا ءقاۋىپتى «يكس اۋرۋى» جايلى ەسكەرتۋ جاسادى. عالىمدار ولىمگە اكەلەتىن ۆيرۋستىڭ اتى بەلگىسىز ەكەنىن، ونى «يكس» دەپ وزدەرى اتاعانىن ايتتى. بۇل تۋرالى Daily Star حابارلادى.

نورۆەگيا عىلىمي كەڭەسىنىڭ ورىنداۋشى ديرەكتورى جانە ددسۇ عىلىمي كەڭەسشىسى دجون-ارنە روتتينگەننىڭ ايتۋىنشا، دياگنوستيكالىق سىنامالار مەن ۆاكسينالار ءالى دە دايىندالىپ جاتىر.

ددسۇ بۇل اۋرۋ ءتۇرىنىڭ ەبولا ۆيرۋسىنان دا، لاسسا بەزگەگىنەن دە ءقاۋىپتى بولاتىنىن ايتادى.

ازىرگە يكس اۋرۋىنىڭ قىر-سىرى زەرتتەلگەن جوق. ماماندار ونىڭ ءۇي جانۋارلارى نەمەسە ايتۆ، ياعني كوپشىلىككە ۆيچ اتاۋىمەن بەلگىلى اۋرۋ تۇرىنە شالدىققان ادامدارمەن بايلانىسۋى ارقىلى تارالاتىنىن ايتادى.

ەبولا ۆيرۋسىن جاپپاي جۇقتىرۋ جاعدايى الەم بويىنشا 2015 جىلى تىركەلگەن جانە 11 مىڭ ادام سول دەرتتىڭ قۇربانى بولعان. بۇل دەرت تۇرىمەن كۇرەسۋگە قازاقستان، رەسەي مەن جۇڭگو مەملەكەتتەرى 60 ملن دوللار جۇمساعان.