الماتىدا وتكەن باسپا ءسوز ءماسليحاتىندا «التىن قالام» ادەبي جۇلدەسىنىڭ جاڭا ماۋسىمى جاريالاندى، دەپ جازادى Qamshy.kz اقپارات اگەنتتىگى. بايقاۋ وسىمەن جەتىنشى رەت ۇيىمداستىرلىپ وتىر.
بايقاۋعا قازاق جانە ورىس تىلىندە جازىلعان جۇمىستار 13 ناۋرىزدان باستاپ 15 قىركۇيەككە دەيىن قابىلدانادى. ادەبي تۋىندىلاردى adebiet2014@gmail.com، kenze2002@mail.ru ەلەكتروندى پوشتاسىنا جولداۋعا بولادى. كونكۋرس جايلى تولىق مالىمەت www.akalam.kz سايتىندا جاريالانادى. سايىسقا تۇسكەن بارلىق شىعارما اتالمىش سايتتا جاريالانادى.
وقىرماندار تومەندەگى اتالىمدار بويىنشا داۋىس بەرە الادى:
- جىلدىڭ ۇزدىك پوەزياسى؛
- جىلدىڭ ۇزدىك پروزاسى؛
- دارابوز. جىلدىڭ ۇزدىك بالالار جانە جاسوسپىرىمدەر شىعارماسى؛
- ەسەنجول دومبايەۆ اتىنداعى جىلدىڭ ۇزدىك ساتيراسى؛
- جىلدىڭ ۇزدىك فانتاستيكا جانە دەتەكتيۆ شىعارماسى؛
- جىلدىڭ ۇزدىك كينوسەنارييى جانە دراماتۋرگياسى؛
- قازاق ادەبيەتىنە قوسقان ەلەۋلى ەڭبەگى ءۇشىن؛
- قازاق تىلىندەگى ۇزدىك رومانعا ەسەنقۇل مامان ۇلى اتىنداعى سىيلىق بەرىلەدى.
العاشقى كەزەڭدە شىعارمالار www.akalam.kz ۆەب-سايتىندا ىرىكتەلەدى. www.akalam.kz سايتىنداعى ونلاين داۋىس بەرۋ 6 ايعا سوزىلادى. داۋىس بەرۋ اياقتالعان سوڭ ءار اتالىم بويىنشا 5 شىعارما تاڭداپ الىنادى. سايىستىڭ ەكىنشى كەزەڭىنە وقىرماندار تاراپىنان ەڭ كوپ ۇپاي جيناعان شىعارمالار وتەدى.
جەڭىمپازداردى ۇيىمداستىرۋشىلار مەن جوبا سەرىكتەستەرىنەن قۇرالعان قازىلار ءار نوميناسيا بويىنشا انىقتايدى. سايىس بارىسىندا شىعارما اۆتورلارى كورسەتىلمەيدى.
ايتا كەتسەك، ەسەنقۇل مامان ۇلى اتىنداعى باس جۇلدە 1 000 000 (ءبىر ملن) تەڭگە قازاق تىلىندە جازىلعان ۇزدىك روماننىڭ اۆتورىنا بۇيىرادى. سونىمەن قاتار بالالار ادەبيەتىنە ارنالعان «دارابوز» بايقاۋىنىڭ جەڭىمپازىنا 1 000 000 (ءبىر ملن) تەڭگە بەرىلەدى. قارجىلاي سىيلىقتاردى «ZHERSU» ينۆەستيسيالىق-وندىرىستىك كورپوراسياسىنىڭ جەتەكشىسى باۋىرجان وسپانوۆ تاعايىنداپ وتىر.
«التىن قالام 2018» ادەبي جۇلدەسى جەڭىمپازدارىنىڭ ەسىمدەرى كۇزدە وتەتىن ماراپاتتاۋ شاراسىندا جاريالانادى.
قازاق ادەبيەتىنىڭ بۇگىنىنە بەي-جاي قارامايتىن، قوعامدىق قىزمەتتىڭ ءار سالاسىندا ەڭبەك ەتىپ جۇرگەن دوسىم ساتپايەۆ، قۋات دومباي، كەنجە جۇمان ۇلى، راسۋل جۇمالى، ايدوس سارىم سىندى ازاماتتار 2009 جىلى «التىن قالام» ادەبي بايقاۋىن وتكىزۋ تۋرالى باستاما كوتەرگەن بولاتىن. بيىل بايقاۋ جەتىنشى رەت ۇيىمداستىرىلىپ وتىر.
ايتا كەتەيىك، قازىلار قۇرامىندا كاسىبي قالامگەرلەر مەن ادەبيەتشىلەر جوق. كوپشىلىكتىڭ تالقىسىنا ۇسىنىلعان ادەبي شىعارمالاردىڭ اۆتورى دا كورسەتىلمەيدى. بۇل تالاپتار بايقاۋدىڭ ءادىل وتۋىنە كەپىلدىك بەرەدى.
ادەبي كەشتىڭ قولداۋشىلارى: «ZHERSU» ينۆەستيسيالىق-وندىرىستىك كورپوراسياسى، QAZKOM، «مەلومان» ساۋدا جەلىسى، Qamshy.kz اقپارات اگەنتتىگى، «قازاقستان باسپا ءسوز كلۋبى»، «كتك» تەلەارناسى، «31 تەلەارنا»، «رۋسسكوە راديو ازيا»، Massaget.kz جاستار پورتالى، «ايقىن»، «جاس الاش» باسىلىمدارى، «ارۋنا» باسپا ءۇيى.
