مامانداردىڭ ەسەپتەۋلەرىنە قاراعاندا 2020 جىلعا قاراي جەر شارىنداعى 50 پايىز ادام بۇكىل ءومىرى بويى كەم دەگەندە ءبىر ءدارىنى قولداناتىن بولادى دەپ جازادى Qamshy.kz اقپارات اگەنتتىگى.

ءقازىردىڭ وزىندە 65 جاستان اسقاندار كەم دەگەندە 2-3 ءدارىنى قولدانادى. ارينە، ولاردىڭ ءارقايسىسى بەلگىلى-بىر دەرتكە قارسى قولدانىلاتىن اۋرۋعا قارسى كومەكتەسۋشى قۇرال بولعانىمەن، ولاردىڭ زياندى جاقستارى وتە كوپ ەكەنى جاسىرىن ەمەس. ءتىپتى بىر-بىرىمەن ارالاستىرىپ ىشۋگە بولمايتىن دارى-دارمەكتەر دە بولادى. قانداي دارىلەردى ماماندار ەڭ ءقاۋىپتى دەپ سانايدى؟ وسىعان توقتالايىق.

ەڭ بىرىنشىدەن، بارىمىزگە بەلگىلى «انتيبيوتيكتەردى» وسى جاتقىزۋعا بولادى. كەدە ءوز-وزىمىزدىڭ نۇسقاۋلىعىمىزبەن انتيبيوتيك دارى-دارمەك الىپ، ەمدەلمەكشى بولامىز. الايدا بۇل پرەپاراتتاردى ءجيى قولدانعان سايىن ونىڭ ميكروبتارعا قارسى كۇشى السىرەيتىنىن ۇمىتپاعان ءجون.

گليۋكوكورتيكويدتەر- بۇل گورمونالدى پرەپاراتتار. ولاردى دارىگەردىڭ نۇسقاۋلىعىنسىز ءجيى قولدانۋ قانت ديابەتىنە شالدىقتىرۋى مۇمكىن.

اۋرۋدى جەڭىلدەتەتىن، ىستىقتى تومەندەتەتىن دارى-دارمەكتەر. ولاردى ءجيى پايدالانۋ سوزىلمالى بۇيرەك اۋرۋىنا، اسقازان اۋرىنا شالدىقتىرۋى مۇمكىن ەكەن.

ۆيرۋسقا قارسى دارى-دارمەكتەر. تۇماۋعا قارسى جاسالاتىن دارىلەر توكسيندىك قيىندىقتار تۋدىرۋى مۇمكىن.

يممۋندىق مودۋلياتورلار – كوپتەگەن مەملەكەتتەردە دارىگەر نۇسقاۋلىعىنسىز ساتىپ الۋعا تىيىم سالىنعان پرەپاراتتار. مۇنداي دارىلەردى ءجيى قولدانۋ ادامنىڭ يممۋندىق جۇيەسىنىڭ قالىپتى جۇمىس ىستەۋىنە كەدەرگى كەلتىرەدى. مامانداردىڭ ايتۋىنشا، ءتىپتى وبىر اۋرۋلارىنا دا اكەپ سوقتىرۋى مۇمكىن.

مۇرىنعا تامىزۋعا ارنالعان تامشىلار. بۇلاردىڭ ادامنىڭ مۇرىنىنداعى شىرىشتى قۇرعاتىپ، قىشۋ، اشىتۋ سياقتى ىڭعايسىز جاعدايلار تۋدىرادى. ونى قولدانعاننان كەيىن ادامدا باس ارۋى نەمەسە جۇيكەسىنىڭ سىر بەرۋى سىندى پروبلەمالار تۋىنداۋى مۇمكىن، ءتىپتى  ارتەريلدىق گيپەرتونيا مەن ۇيقىسىزدىققا شالدىقتىرۋى عاجاپ ەمەس.