كاناداداعى كۆەبەك پروۆينسياسىنىڭ دارىگەرلەرى جالاقىلارىنىڭ كوبەيۋىنە قارسى شىقتى. مەديسينا قىزمەتكەرلەرىنىڭ جەرگىلىكتى بيلىككە جولداعان اشىق حاتىندا دەنساۋلىق ساقتاۋ سالاسىنىڭ قارجىلىق ساياساتىن تاعى ءبىر قاراۋىن وتىنگەن، دەپ جازادى Qamshy.kz اقپارات اگەنتتىگى شەتەلدىك باق-تىڭ مالىمەتىنە سۇيەنىپ.

ءوز جالاقىلارىنىڭ وسۋىنە قارسى شىققان 500 دارىگەرگە مەديسينالىق وقۋ ورىندارىنىڭ 150 ستۋدەنتى قوسىلدى. نارازىلىق بىلدىرۋشىلەر مەديسيناعا بولىنگەن قارجىنىڭ ادىلەتسىز ەكەنىن العا تارتتى.

«مەدبيكەلەر مەن وزگە سالانىڭ ماماندارى قيىن جاعدايدا جۇرگەندە ءبىزدىڭ جالاقىمىزدىڭ جوعارى بولۋى ورىنسىز. ونىڭ ۇستىنە دەنساۋلىق مينيسترلىگىننىڭ قارجىلاندىرۋ جۇيەسىندەگى شىعىندارعا بايلانىستى بىرنەشە ەمدەلۋشىگە ءتيىستى قىزمەت كورسەتىلگەن جوق»، - دەلىنگەن دارىگەرلەردىڭ نارازىلىق حاتىندا.

رەسمي دەرەكتەرگە سۇيەنسەك، 2017 جىلى مەملەكەتتىك ەمحانادا قىزمەت اتقاراتىن كانادالىق تەراپيەۆتتىڭ ايلىعى 2560 مىڭ اقش دوللارى بولعان. حيرۋرگ 300 مىڭ دوللار كولەمىندە جالاقى الىپ ءجۇردى.