ساياساتتانۋشى، «سامۇرىق-قازىنا» اق ومبۋدسمەنى نۇرلان ەرىمبەتوۆ دۇنيەدەن وزدى.

ول ەم قابىلداۋ ءۇشىن ۇلتتىق ونكولوگيا جانە ترانسپلانتولوگيا عىلىمي ورتالىعىنا جاتقىزىلعان. ناۋرىزدىڭ 20-نان 21-ىنە قاراعان ءتۇنى باقيلىق بولدى.

نۇرلان كەنجەبەك ۇلى ەرىمبەتوۆ 1960 جىلى 28 مامىردا دۇنيەگە كەلگەن.

1979-1983 جىلدارى ماسكەۋ مەملەكەتتىك مادەنيەت ينستيتۋتىندا وقىعان.

1985-1997 جىلدارى قىزىلوردا قالالىق مادەنيەت ءبولىمىنىڭ مەڭگەرۋشىسى، قىزىلوردا وبلىستىق مادەنيەت كوميتەتى ءبولىمىنىڭ مەڭگەرۋشىسى، قىزىلوردا وبلىستىق مادەنيەت كوميتەتى ءتوراعاسىنىڭ ءبىرىنشى ورىنباسارى، قازسسر مەملەكەتتىك مادەنيەت كوميتەتىنىڭ باسقارما باستىعى قىزمەتىندە بولدى.

1997-2004 جىلدارى قىزىلوردا وبلىسى اكىمىنىڭ ورىنباسارى قىزمەتىن اتقاردى. 2004-2005 جىلدارى «وتان» پارتياسى ساياسي كەڭەسىنىڭ حاتشىسى بولدى. 2006 جىلدان «مادەني مايدان» قوعامدىق بىرلەستىگىنىڭ ءتوراعاسى قىزمەتىن اتقاردى. 2007-2010 جىلدارى قازاقستان گۋمانيتارلىق-ساياسي كونيۋنكتۋرا ورتالىعىنىڭ اتقارۋشى ديرەكتورى، «ايتPARK» قوعامدىق-ساياسي ينتەلەكتۋالدى كلۋبىنىڭ نەگىزىن قالاۋشى ءارى مودەراتورى بولدى.

2012 جىلدان باستاپ «سامۇرىق-قازىنا» ۇلتتىق ءال-اۋقات قورى» اكسيونەرلىك قوعامى جانىنداعى «الەۋمەتتىك ارىپتەستىك ورتالىعى» كق-نىڭ باس ديرەكتورى.

2013 جىلدان باستاپ «قازاقستاننىڭ ازاماتتىق اليانسى» زاڭدى تۇلعالار بىرلەستىگىنىڭ پرەزيدەنتى بولدى.