ق ر پرەزيدەنتى نۇرسۇلتان نازاربايەۆ قازاقستاندىقتاردى ۇلىستىڭ ۇلى كۇنى – ناۋرىز مەيرامىمەن قۇتتىقتادى، دەپ جازادى Qamshy.kz اقپارات اگەنتتىگى.

«كەلە جاتقان كوكتەم مەن جاقسىلىقتىڭ مەرەكەسى - ناۋرىز مەيرامى بارشا قازاقستاندىقتارعا قۇتتى بولسىن! مەنىڭ جارلىعىممەن ناۋرىزدى ءۇش كۇن تويلايتىن بولامىز. باعزى زاماننان كەلە جاتقان مەرەكە تاۋەلسىزدىكپەن بىرگە قايتا ورالدى. تاۋەلسىزدىكتى العالى بەرى وسى ناۋرىزدى اتاپ كەلە جاتىرمىز. بۇل مەيرام تۇبىندە ءبىزدىڭ  جاڭاجىلدىق مەرەكەمىز بولادى. 1 قاڭتاردى I پەتر باتىس ەۋروپادان الىپ كەلگەن ەدى. ونى دا تويلايمىز. ءبىراق ءبىزدىڭ نەگىزگى مەرەكەمىز - كۇن مەن ءتۇننىڭ تەڭەلەتىن، تابيعات وياناتىن كەز»، - دەپ اتاپ ءوتتى ن.نازاربايەۆ.

بۇعان قوسا ەلباسى تاۋەلسىزدىك جىلدارى ىشىندەگى حالىقتىڭ جاعدايىن جاقسارتۋعا ارنالعان ماڭىزدى ماسەلەلەردى ەسكە سالىپ، ءالى دە اتقارىلار شارۋانىڭ كوپ ەكەنىن ەسكەرتتى.

«تاۋەلسىزدىكتىڭ 26 جىلىنىڭ ىشىندە ءبىز كوپ شارۋانى بىتىردىك. ونىڭ بارلىعى ەل بىرلىگىنىڭ ارقاسى. ءقازىردىڭ وزىندە الەمدە بولىپ جاتقان وزگەرىستەرگە بايلانىستى بىزدە ارنايى باعدارلامالار بار. تەحنولوگيالىق ريەۆوليۋسيا دەپ جاتىرمىز. وعان دا ارنايى باعدارلاما بار. رۋحاني جاڭعىرۋ باعدارلاماسىن وسىعان دەيىن اتاپ ءوتتىم. جاقىندا مەن حالىققا «5 الەۋمەتتىك باستاما» تۋرالى ۇندەۋ جاريالادىم»، - دەدى مەملەكەت باسشىسى.

ايتا كەتەيىك، ەلباسى بۇگىن استاناداعى كونگرەسس ورتالىعىندا ناۋرىز مەيرامىنا ارنالعان «جاڭارعان جەر، ب ا ق قونعان نۇرلى ەل» اتتى جاڭا ميۋزيكلدى تاماشالادى.