ارۋجان ساين ءوزىنىڭ Facebook پاراقشاسىندا اباي اۋىلىنىڭ 7 جاستاعى تۇرعىنىنا قاتىستى جاڭا دەرەكتەردى جاريالادى، دەپ حابارلايدى Qamshy.kz اقپارات اگەنتتىگى. 

«23 ناۋرىزدا «ءۇي» قورىنىڭ جانە ۇيىمداسقان قىلمىسپەن كۇرەس  قىزمەتكەرلەرى بالا مەن ونىڭ اناسىن اباي اۋىلىنا شىعارىپ سالدى. بالانىڭ ادۆوكاتى باۋىرجان ازانوۆ استانادان شىمكەنتكە ۇشتى.  

24 ناۋرىزدا كۇنى بويى تەرگەۋ جۇمىستارى جۇرگىزىلدى.

25 ناۋرىزدا تەرگەۋ جۇمىستارى جالعاستى.

بالانىڭ اناسىنىڭ وتىنىشىمەن ساراپتاماعا شەتەلدىك مامانداردى قاتىستىرۋ ءۇشىن جۇمىستار اتقارىلىپ جاتىر.

بىزگە باسقا بالالارعا قاتىستى كوڭىلگە ۇرەي ۇيالاتاتىن اقپارات كەلدى. وسى ىسكە قاتىستى بولۋى مۇمكىن. ق ر باس پروكۋراتۋراسىنا حابارلادىق.

وبەكتيۆتى تەرگەۋ جۇمىستارى جۇرگىزىلەدى دەپ ۇمىتتەنەمىز. اباي اۋىلىندا نە بولعانىن انىقتايدى دەپ سەنەمىز»، - دەپ جازدى ارۋجان ساين.

ارۋجان ساين اناسى مەن بالانىڭ جولاقىسى، جاتىن ورنى، تاماعى، سونىمەن قاتار زاڭگەردىڭ جولاقىسىن قايىرىمدى ادامدار تولەپ جاتقانىن دا ايتىپ ءوتتى. ولار: انار راحىمبايەۆا، ايدىن راحىمبايەۆ، اسەل تاتىشيەۆا، ەركىن تاتىشيەۆ، دانا التايەۆا، الماتىنىڭ مەيىرىمدى جاندار كلۋبى، «ءۇي» قورى جانە ت.ب.

ارۋجان ساين جولاقى مەن شەتەلدىك ساراپشىلاردى تارتۋ جاعىنان ءالى دە شىعىندار بولاتىنىن ايتادى. كومەكتەسكىسى كەلەتىندەر جاننا احمەتوۆا، ادەل سميت جانە لەيلا پرينسەسسوۆنامەن حابارلاسا الادى.

«وتە ماڭىزدى! زاڭگەردىڭ قىزمەتىنە ەشقانداي قاراجات جينالمادى»، - دەپ جازدى ارۋجان ساين.