ق ر ەڭبەك جانە حالىقتى الەۋمەتتىك قورعاۋ ءمينيسترى ءمادينا ءابىلقاسىموۆا ق ر ازاماتتىعىن بەلگىلەنگەن ۋاقىتتا الىپ ۇلگەرمەگەن ەتنيكالىق قازاقتاردان كەلىپ تۇسەتىن وتىنىشتەردىڭ كوپ ەكەنىن ايتتى.

ءمادينا ءابىلقاسىموۆا سەنات دەپۋتاتتارىنا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە حالىقتىڭ جۇمىسپەن قامتىلۋى جانە كوشى-قونى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى زاڭ» جوباسىن ۇسىندى، دەپ حابارلايدى Qamshy.kz اقپارات اگەنتتىگى.

زاڭناماعا ەنگەن وزگەرىستەردىڭ ءبىرى – ورالمان مارتەبەسىن ۇزارتۋ. حالىقتىڭ كوشى-قونى تۋرالى قولدانىستاعى زاڭعا سايكەس ورالمان ستاتۋسى ونى العاننان كەيىن ءبىر جىل وتكەن سوڭ توقتالىلادى. الايدا ءمينيستردىڭ ايتۋىنشا، ەتنيكالىق ورالماندار وسى ۋاقىت ارالىعىندا ق ر ازاماتتىعىن الىپ ۇلگەرمەي جاتادى. ال ۋاقىتى ءوتىپ كەتكەن سوڭ بۇل مۇمكىندىكتەن ايىرىلادى.

«ورالمان ستاتۋسىنان ايىرىلعان ەتنيكالىق قازاقتار كومەك سۇراپ ءجيى كەلەدى. سول سەبەپتى دەپۋتاتتار ورالمان مارتەبەسىن ءۇش ايدان اسپايتىن مەرزىمگە ۇزارتۋدى ۇسىندى»، - دەدى ءمادينا ءابىلقاسىموۆا.

ءمينيستردىڭ ءباسپاسوز-حاتشىسى نۇرلىبەك جەڭىسبەكتىڭ ايتۋىنشا، ورالمان مارتەبەسىن ۇزارتۋ تۋرالى شەشىمدى جەرگىلىكتى اتقارۋشى ورگان قابىلدايدى جانە ول ءۇش ايدان ارتىق بولمايدى. سونىمەن قاتار ق ر اۋماعىندا ءومىر سۇرەتىن ەتنيكالىق قازاقتار ورالمان مارتەبەسى بىتكەن سوڭ ونى قايتا ۇزارتۋعا التى اي ىشىندە ءوتىنىش بەرە الادى.

بۇعان قوسا ەڭبەك جانە الەۋمەت مينيسترلىگىندە 2018 جىلى ءار ورالمانعا جەكە-جەكە وڭىرلىك كۆوتا ۇيلەستىرىلەتىنى تۋرالى شەشىم قابىلداندى. بۇگىنگى تاڭدا ورالماندارعا بەرىلەتىن وڭىرلىك كۆوتا قابىلداۋىندا 622 وتباسى تىركەلگەن، ال قونىس اۋدارۋشىلاردان 1706 وتباسى تۇر.

«بۇل نورما تەك ورالماندارعا عانا ەمەس، قونىس اۋدارۋشىلارعا دا قاتىستى. ءبىزدىڭ جاردەماقىلار وتباسىلى ادامدارعا بەرىلەدى، الايدا وتباسى جوق ورالمان-قونىس اۋدارۋشىلار دا بار. سوندىقتان ءبىز بۇل نورمانى قايتا قاراستىردىق. ەگەر ول ادامنىڭ وتباسى بولماسا، مەملەكەت تاراپىنان قولداۋ شارالارىنا جۇگىنۋگە مۇمكىندىگى بار. ال ەگەر وتباسىلى بولسا، وتباسىنىڭ ءار مۇشەسىنە جاردەماقى بەرەمىز»، - دەدى ءمادينا ءابىلقاسىموۆا.