بۇگىنگى تاڭدا جەر جاھاندى قاتتى الاڭداتقان ەكسترەميزم جانە تەرروريزممەن، جات پيعىلدى راديكاليزممەن كەيىنگى جىلدارى ەلىمىز دە بەتپە-بەت كەلە باستادى. ونىڭ باستى سەبەبى – كەيبىر قوعام مۇشەلەرىنىڭ قولجەتىمدى اقپاراتتاردى ساراپتاي بىلمەۋىندە جاتقانى انىق. ويتكەنى، ءدىني جانە قۇقىقتىق تۇرعىدان ساۋاتتىلىعى جەتىسپەگەن ادامنىڭ كەز كەلگەن ءدىني باستاماعا سالىستىرمالى كۇيدە قاراۋعا مۇمكىنشىلىگى جەتپەيدى. وسىنىڭ سالدارىنان تەرىس اعىمنىڭ جەتەگىندە كەتكەنىن بىلمەيتىن، ءوز ۇلتتىق تابيعاتىنا قارسى شىققانىن سەزىنبەيتىن، جالپىمەملەكەتتىك قاعيداتتارعا قايشى كەلەتىنىن ۇعىنبايتىن بەدەۋ ويلى، جالپىادامزاتتىق يگىلىكتەردى مويىندامايتىن القا-قوتان ءارى وقشاۋ ازاماتتار مەن توپتار پايدا بولىپ، قوعامنىڭ بەرەكەسىن قاشىرا باستاعانىن بايقامايدى.

بۇل ءۇشىن قوعامدىق دەڭگەيدە پروفيلاكتيكالىق جۇمىستار اسا قاجەت. وسى ورايدا، الماتى قالاسى ءدىن ىستەرى جونىندەگى باسقارماسىنىڭ الەۋمەتتىك ماڭىزدى جوبالارى نەگىزىندە ۇلتتىق جۋرناليستىك زەرتتەۋ ورتالىعى ءدىن سالاسىنداعى وزەكتى ماسەلەلەر تۋرالى بىرنەشە نوميناسيالار بويىنشا جۋرناليستەر اراسىندا ۇزدىك ماتەريالدارعا بايقاۋ جاريالايدى. بايقاۋعا «نۇر وتان» پارتياسى قولداۋ تانىتىپ وتىر.

بايقاۋ مەرزىمى 2018 جىلدىڭ 1 ءساۋىرى مەن 1 قازانى ارالىعىن قامتيدى. جەڭىمپازداردى ماراپاتتاۋ 18 قازان – ق ر رۋحاني كەلىسىم كۇنى مەرەكەسى قارساڭىندا الماتى قالاسىندا وتەدى.

بايقاۋ جۇلدەسىنىڭ جالپى قورى – 1 000 000 تەڭگە.

بايقاۋدىڭ ماقساتى:

- قازاقستان رەسپۋبليكاسى جۇرتشىلىعىنىڭ نازارىن ءدىن سالاسىنداعى مەملەكەتتىك ساياساتتىڭ وزەكتى ماسەلەلەرىنە اۋدارۋ.

- بۇقارالىق اقپارات قۇرالدارى، ياعني جۋرناليستەر ارقىلى تۇرعىنداردى ءدىن سالاسىنداعى مەملەكەتتىك ساياساتتىڭ باسىمدىقتارىن ناسيحاتتاۋ، قوعامداعى كونفەسسياارالىق كەلىسىمنىڭ نىعايتىلۋى جانە ساقتالۋىنا باعىتتالعان ماڭىزدى ءىس-شارالار جونىندە حاباردار ەتۋ.

- ءدىن سالاسىنداعى وزەكتى ماسەلەلەر بويىنشا ماتەريالداردى جاريالايتىن ب ا ق مەن جۋرناليستەردى قولداۋ.

بايقاۋ نوميناسيالارى:

ءدىني ەكسترمەميزمنىڭ الدىن الۋعا بايلانىستى بايقاۋ كەلەسى نوميناسيالار بويىنشا جۇرگىزىلەدى:

- ەڭ ۇزدىك الەۋمەتتىك روليك

- ەڭ ۇزدىك تەليەۆيزيالىق باعدارلاما؛

- ەڭ ۇزدىك راديوباعدارلاما؛

- ينتەرنەت رەسۋرستاعى قازاق تىلىندەگى ەڭ ۇزدىك ماقالا؛

- ينتەرنەت رەسۋرستاعى ورىس تىلىندەگى ەڭ ۇزدىك ماقالا؛

- مەرزىمدى باسىلىمدارداعى قازاق تىلىندەگى ەڭ ۇزدىك ماقالا؛

- مەرزىمدى باسىلىمدارداعى ورىس تىلىندەگى ەڭ ۇزدىك ماقالا؛

- الەۋمەتتىك جەلىلەردەگى ەڭ بەلسەندى قولجەتىمدى توپ؛

- ەڭ بەلسەندى بلوگەر.

جەڭىمپازداردى بارلىق نوميناسيالار بويىنشا باعالى سىيلىقتارمەن ماراپاتتاۋ، سونىمەن قاتار 5 (بەس) ىنتالاندىرۋ سىيلىعى؛

بايقاۋ شارتتارى:

الماتى قالاسىندا تىركەلگەن نەمەسە تىلشىلەر قوسىنى بار باق-تاعى كەز كەلگەن جۋرناليست، سونداي-اق عالىم، كوسەمسوزگەر، قالامگەر قاتىسا الادى. ب ا ق باسشىلىعىنىڭ رۇقساتى تالاپ ەتىلمەيدى. بايقاۋ ەكى تىلدە وتەدى.

بايقاۋعا 2018 جىلعى 1 ساۋىرىنەن باستاپ 1 قازان ارالىعىندا جاريالانعان ماتەريالدار قابىلدانادى.

باستى قويىلاتىن تالاپ – قازاقستاننىڭ زايىرلى مەملەكەتتىك قۇرىلىمىن قاراپايىم ءارى ۇعىنىقتى تىلمەن ءتۇسىندىرۋ، مەملەكەتتىك ساياساتتىڭ زاڭنامالىق تالاپتارىن ۇعىندىرۋ، ءدىن اتىن جامىلعان ەكسترەميستىك اعىمداردى اشكەرەلەۋ، ءداستۇر مەن ءدىننىڭ ءوزارا بايلانىسىن جەتكىزۋ، ءدىني ەكسترەميزمنىڭ الدىن الۋ، تەرىس ءدىني توپتاردىڭ يدەولوگياسى مەن ولاردىڭ زياندىعىن اشىپ كورسەتۋ.

قاندايدا ءبىر ءدىني ۇستانىمدى نەمەسە ءدىندى ناسيحاتتاۋعا باعىتتالعان ماتەريالدار قابىلدانبايدى.

بايقاۋعا قاتىسۋشىلار ۇيىمداستىرۋ كوميتەتىنىڭ uzhzo2005@mail.ru ەلەكتروندى پوشتاسىنا (بايلانىس تەلەفونى: 87775654078) مىناداي ماتەريالداردى جىبەرۋى ءتيىس:

1) اۆتور تۋرالى ماعلۇمات /تۋعان جەرى، كۇنى، ايى، جىلى، تەلەفون/؛

2) بايقاۋ ماتەريالى جاريالانعان باق-تىڭ pdf-نۇسقاسى نەمەسە سكرينشوتى، پورتال-سايتتاعى ماتەريالدىڭ سكرينشوتى نەمەسە ەلەكتروندى سىلتەمەسى (بار بولعان جاعدايدا)، تەلە-راديو باعدارلامالاردىڭ mp4-نۇسقاسى نەمەسە ەلەكتروندى سىلتەمەسى (بار بولعان جاعدايدا)؛

3) اۆتور ءار نوميناسياعا 1 نەمەسە 2 ماتەريال ۇسىنا الادى؛

4) ءبىر اۆتور بىرنەشە نوميناسياعا قاتىسا الادى؛

5) بارلىق ماتەريالدا بايقاۋدىڭ قانداي نوميناسياسىنا ۇسىنىلاتىنى تۋرالى اقپارات بولۋى مىندەتتى. نوميناسياسى كورسەتىلمەگەن ماتەريال بايقاۋعا جىبەرىلمەيدى. 

بايقاۋ كەزەڭدەرى:

1. بايقاۋعا قاتىسۋشىلاردان ماتەريالداردى قابىلداۋ (1 قازانعا دەيىن)؛
2. ماتەريالداردى ساراپتاۋ جانە جەڭىمپازداردى انىقتاۋ (1-10 قازان ارالىعى)؛
3. بايقاۋ جەڭىمپازدارىن سالتاناتتى ماراپاتتاۋ (رۋحاني كەلىسىم كۇنى قارساڭى).

بايقاۋ جەڭىمپازدارىن ماراپاتتاۋ:

بايقاۋدى ۇيىمداستىرۋ كوميتەتى جۇرگىزىپ، جەڭىمپازداردى 5 نەمەسە 7 ادامنان تۇراتىن قازىلار القاسى تاڭدايدى. القا بايقاۋ ماراپاتى باستالعانشا قۇپيا تۇردە ساقتالادى. بايقاۋعا ۇسىنىلعان ماتەريالدار قايتارىلمايدى. بايقاۋ جەڭىمپازدارى ارنايى نوميناسيالار بويىنشا تاعايىندالعان اقشالاي جۇلدەلەرمەن جانە ارنايى ديپلومدارمەن ماراپاتتالادى.