شىڭجاڭ ۇيعىر اۆتونوميالى اۋدانىنداعى ساياسي ۇيرەنۋ ورتالىقتارىندا 1 مييليون مۇسىلمان قاماۋدا وتىر. گەرمانياداعى مادەنيەت جانە تەولوگيا ەۋروپالىق مەكتەبىنىڭ زەرتتەۋشىسى ادريان زەنس وسىنداي دەرەك كەلتىردى. بۇل تۋرالى «جاس الاش» گازەتى جازدى.

باسىلىمنىڭ دەرەگىنە سۇيەنسەك، زەنس قىتايدا ساياسي ۇيرەنۋ ورتالىقتارىنىڭ بار ەكەنىن ناقتى دايەكتەرىمەن كەلتىرىپ وتكەن. جۇڭگو ۇكىمەتى شىڭجاڭداعى 40 ەلدىمەكەندە ورنالاسقان ساياسي ۇيرەنۋ ورتالىقتارىن دامىتۋ ءۇشىن ارنايى كەلىسىمشارتتار تاپقان. 2016 جىلدان بەرى شىڭجاڭنىڭ تۇكپىر-تۇكپىرىندە سالىنىپ جاتقان ورتالىقتاردىڭ جالپى قۇنى 680 ميلليون يۋانعا (170 ميلليون دوللار) شىعاتىنى گەرمانيالىق زەرتتەۋشىنىڭ بايانداماسىندا ايتىلدى.

ورتالىقتاردا كريمينالدى پسيحولوگيا جانە اسكەري تاجىريبەسى بار ماماندار جۇمىس ىستەيدى. ءتىپتى سونداي مامانداردى ىزدەۋ جۇمىستارى دا قارقىندى ءجۇرىپ جاتقان كورىنەدى.

زەنستىڭ بايانداماسى باتىس جۋرناليستەرى مەن زەرتتەۋشىلەرى اراسىندا ۇلكەن رەزونانس تۋدىردى.