بۇل كۇن جاس ساربازدار مەن ولاردىڭ اتا-انالارى مەن تۋىسقاندارى ءۇشىن دە ۇلكەن مەرەكە. انت قابىلداۋ ادام ومىرىندە ءبىر رەت قانا كەلەتىن سالتانات.
1000-عا جۋىق جاڭا شاقىرىلعاندار وتان قورعاۋشىلار اتاندى. سالتاناتتى راسىمدە وتان سوعىسى جانە قارۋلى كۇشتەرىنىڭ ارداگەرلەرى، اسكەري بولىمدەردىڭ كومانديرلەرى، ساربازداردىڭ تۋعان تۋىسقاندارى مەن دوستارى ءبىر مەزەتتە ءجۇرىپ ءوتتى. ءبىر ايدان اسا ۇيدەن كەتكەنمەن جاس جاۋىنگەرلەر اسكەري ساپتىق جاتتىعۋلارىن ۇيرەنىپ ۇلگەرگەن. ايتا كەتەرلىگى جاۋىنگەرلەر انت قابىلداماستان بۇرىن ءبىر اي بويى جالپى اسكەري دايىندىقتان ءوتىپ، ساپتا جۇرۋگە جاتتىقتى، دەنەلەرىن شىنىقتىرىپ، قارۋ-جاراقتى مەڭگەردى.

اتا-انالار ساپتا تۇرعاندارعا قاراپ، "وزدەرىنىڭ" ساربازدارىنا اسا ىجداxاتتىلىقپەن قارادى. قالىڭ توپتىڭ اراسىنان:
- ءبىزدىڭ ماقسات قانداي ەر جەتكەن؟!،- دەپ قاتارداعى امير ماقساتتىڭ اناسى كوزىنە جاس الىپ، جانىندا تۇرعان ەر ادامعا ايتقانى ەستىلدى. وسى ۋاقىت ارالىعىندا تريبۋنادان كومانديرلەردىڭ دەسانتتى-شابۋىلداۋشى اسكەرلەرىنىڭ ابىرويىن ارتتىرۋعا، وتان الدىنداعى بورىشتى ادال اتقارىپ، ەل مۇددەسىن قورعاۋعا شاقىرعان سوزدەرى ەستىلدى. اسكەري فورما كيىپ، اسكەري انت قابىلداپ تۇرعان ۇلىن كورگەن ەريمبەتوۆ عابيت:
- مەن انت قابىلداۋعا شىمكەنت قالاسىنان ونى قولداۋعا جانە ارمياعا بورىشىن وتەۋ ءۇشىن اق تىلەگىمدى ارناۋعا كەلدىم. دەسانتتى-شابۋىلداۋشى اسكەرلەرى - ەرلىكتىڭ ەڭ جاقسى مەكتەبى. مەنىڭ ۇلىم ناعىز ەر ازامات بودىپ اسكەردەن ورالاتىنىنا سەنەمىن. وعان اسكەري قىزمەتتى ابىرويلى قىزمەت ەتىپ، كەز-كەلگەن تاپسىرمالاردى جىلدام ورىنداپ، ەل تىنىشتىعىن كۇزەتە بەرسىن،- دەپ تىلەيمىن.
الاڭدا "سالتاناتتى تۇردە قازاقستان رەسپۋبليكاسىنا انت ەتەمىن" دەگەن جاس ساربازداردىڭ داۋىسى ەستىلىپ جاتتى. وسى سوزدەن ناعىز اسكەري قىزمەت باستالاتىنىن جاس ساربازدار ۇقتى. انت قابىلداۋ راسىمىنەن كەيىن بۇرىن شاقىرىلعان ساربازدار الاڭدا جاۋىنگەرلىك ونەر كورسەتتى. سونداي-اق قارۋ-جاراقپەن قولدانۋ ادىستەرى مەن قويان-قولتىق ۇرىس، سامبو جانە ت.ب. ۇرىس تاسىلدەرىن كورسەتتى.
-بۇگىندە ارميا جاستاردىڭ دايۋىنا جان-جاقتى تاربيەلەۋگە سەپتىگىن تيگىزۋدە. جىل سايىن تالانتتى جاستار كوبەيىپ كەلەدى. جوعارى جانە ورتا-ارناۋلى ءبىلىمدى اسكەرگە شاقىرۋشىلار پايىزى ارتىپ كەلەدى. دەسانتتى-شابۋىلداۋشى اسكەري بولىمدەرىندە ءبىلىم مەن سپورتتى مەڭگەرۋ ءۇشىن بارلىق جاعدايلار جاسالۋدا"، دەدى 61993 اسكەري ءبولىمىنىڭ كومانديرى پولكوۆنيك بۋلات ديۋسەكەيەۆ.
سالتاناتتى شارادان كەيىن جاس ساربازدار اتا-انالارىمەن بىرگە سەيىلدەۋگە جىبەرىلدى.