پارلامەنت سەناتىنىڭ ءتوراعاسى قاسىم-جومارت توقايەۆ ەلدەگى ءورشىپ تۇرعان مەنينگيت دەرتى تۋرالى پىكىر ءبىلدىردى، دەپ حابارلايدى Qamshy.kz اقپارات اگەنتتىگى.

بۇل تۋرالى ول ءوزىنىڭ تۆيتتەر پاراقشاسىندا جازعان.

"مەنينگيت ينفەكسياسىمەن كۇرەس مۇلدە سىن كوتەرمەيدى. قۇزىرلى مينيسترلىك كەشىرىلمەستەي جايباسارلىق تانىتىپ، ناقتى قادامعا بارا الماي وتىر"- دەپ جازدى توقايەۆ.

ءتوراعانىڭ ايتۋىنشا، اتالمىش ماسەلە بويىنشا پارلامەنت سەناتىنىڭ دەپۋتاتتارى ۇكىمەتكە ساۋال جولداۋدى جوسپارلاپ وتىر.

ەستەرىڭىزگە سالساق، ق ر دەنساۋلىق ساقتاۋ ءمينيسترى ەلجان ءبىرتانوۆ 2018 جىلى اتالعان دەرت بويىنشا 58 جاعداي تىركەلگەنىن حابارلاعان بولاتىن. 12 ادام كوز جۇمعان. قايتىس بولعانداردىڭ قاتارىندا بەس بالا بولسا، سىرتقاتتاردىڭ تىزىمىندە 18 جاستان 14 جاسقا دەيىنگى جاسوسپىرىمدەر بار.

سونىمەن قاتار، مينيستر "مەنينگيت بويىنشا ۆاكسينالاۋ جۇرگىزۋ ءتيىمسىز ءارى شىعىنى كوپ" دەپ پىكىر بىلدىرگەن بولاتىن.