ەتنوكونفەسسيونالدىق توپقا جاتاتىن ءۇش جاسار اراب بالاسى ونيل ماحمۇت تازا بريتاندىق اكسەنتپەن اعىلشىن تىلىندە سويلەپ كەتكەن. بالانىڭ بۇل قاسيەتى تەك تۋىستارىن عانا ەمەس لينگۆيستيكا ماماندارىنىڭ تاڭدايىن قاقتىردى.
ءالى مەكتەپ جاسىنا جەتە قويماعان ءبۇلدىرشىننىڭ وتباسى گولان بيىگىندە تۇرادى، ونىڭ ۇستىنە وتباسى مۇشەلەرى تەك اراب تىلىندە ارالاسادى. ال ماحمۇت ءتىپتى تەلەديداردان اعىلشىن تىلىندەگى باعدارلامالاردى كورمەگەن ەكەن.
بۇگىنگى كۇنگە دەيىن دۇرىس سويلەي الماعان بالانىڭ اعىلشىن ءتىلىن قالاي جانە قايدان ۇيرەنىپ العانى – تۋىستارى ءۇشىن دە، لينگۆيستەر ءۇشىن دە ۇلكەن جۇمباق. ءتىپتى الەم تاريحىندا وتە سيرەك كەزدەسەتىن جاعداي. ونيل ءقازىر اراب ءتىلىن ۇيرەنىپ ءجۇر. الايدا ءتىلى اعىلشىن تىلىنە جاتتىعىپ قالعاندىقتان، ارابشا ۇيرەنۋى قيىنعا سوعىپ وتىر.
پىكىر قالدىرۋ