ق ر مەملەكەتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ ءتوراعاسى اليك شپەكبايەۆ جەمقورلىق تۋرالى حابارلاعان قازاقستاندىقتارعا 730 $ كولەمىندە سىياقى بەرۋدى ۋادە ەتتى. بۇل تۋرالى اگەنتتىكتىڭ ءتوراعاسى الەۋمەتتىك جەلىدەگى پاراقشاسىندا جازدى.

«ءاربىرىمىز قازىرگى ۋاقىتتا دا، بولاشاقتا دا سىبايلاس جەمقورلىققا ورىن جوق دەپ ايتاتىن بولساق، ءاربىر قازاقستاندىق جەمقورلىقتى جەڭۋگە بولاتىنىنا سەنەتىن بولسا، ەلدەگى سىبايلاس جەمقورلىقتى جەڭۋ ابدەن مۇمكىن ەكەنىنە كوزىم جەتتى. ەڭ باستىسى، ءاربىر ازاماتتىڭ قازىردەن باستاپ وسىعان ۇمتىلۋى ماڭىزدى. دوستار، ەگەر ءسىز سىبايلاس جەمقورلىققا قاتىستى زاڭبۇزۋشىلىق ورىن الىپ جاتقانىنا كۋا بولساڭىز، ياعني پارا ۇسىنىلىپ نەمەسە بەرىلىپ جاتقانىن كورسەڭىز، بيۋدجەت قارجىسىنىڭ ۇرلانۋى جوسپارلانىپ جاتقانىن بىلسەڭىز، قىزمەتىن اسىرا پايدالانۋ ورىن الىپ جاتقانىنا كۋاگەر بولساڭىز دەرەۋ اگەنتتىككە حابارلاسىڭىزدار» ، - دەپ جازدى ۆەدوموستۆا باسشىسى Facebook-تە.

شپەكبايەۆتىڭ ايتۋىنشا، بىردە-بىر قوڭىراۋ قاراۋسىز قالمايدى. سىبايلاس جەمقورلىققا قاتىستى اقپاراتپەن بولىسكەن ازاماتتارعا قۇپيالىلىق پەن قۇقىقتىق قورعاۋعا كەپىلدەمە بەرىلەدى. ەگەر اقپارات راستالعان جاعدايدا، اقپاراتپەن ءبولىسۋشى 240 مىڭ تەڭگەگە ($730) دەيىن سىياقى الا الادى.