2018 جىلدىڭ 1 شىلدەسىنەن باستاپ ەستونيا تۇرعىندارى قوعامدىق كولىكتەردە تەگىن جۇرەتىن بولادى. ەلدىڭ 15 وكرۋگى باعدارلاما نەگىزىندە جولاۋشىلارىن تەگىن جۇرگىزۋگە دايىن وتىر.
تەگىن اۆتوبۋس ەكسپەريمەنتىن ەستونيا وسىدان بەس جىل بۇرىن باستاعان. تاللين بيلىگى وتكىزگەن ارنايى رەفەرەندۋمدا تۇرعىنداردىڭ كوبى بۇل شەشىمدى قۇپتاي كەتكەن ەدى. قالادا تۇرعىنداردىڭ تۇرعىلىقتى مەكەنى سوندا ەكەنىن ايعاقتايتىن ارنايى «گرينكارتتار» ازىرلەنگەن. كارتالاردىڭ باعاسى – 2 ەۆرو. بيلىك تەگىن اۆتوبۋستاردىڭ قالا ءۇشىن وتە ءتيىمدى ەكەنىن بايقايدى. سەبەبى باعدارلامانى ىسكە قوسقالى تابىس ەكى ەسەگە ارتقان.
بۇل باعدارلاما ناتيجەسىندە قالا تۇرعىندارى رەستوراندار مەن كافەلەرگە بارۋدى جيىلەتتى. جەكە كولىكتەرىنەن باس تارتىپ، كوبى دەرلىك قوعامدىق كولىكتەرگە كوشكەن. بۇل قالاداعى كەپتەلىستى سيرەتتى.
پىكىر قالدىرۋ