سيريانىڭ سولتۇستىك-باتىسىندا اۋە شابۋىلىنان 44-كە جۋىق ادام قازا تاپتى. وقيعا 7 ماۋسىمدا كەشكە بولعان.
بەيبىت تۇرعىنداردىڭ اۋە شابۋىلىنان قازا تاپقانىن "اق كاسكا" ۇيىمىنىڭ قۇتقارۋشىلارى دا راستاپ وتىر. قازا تاپقانداردىڭ كوبى بالالار. كەيبىر دەرەكتەر بويىنشا، شابۋىلدان 60-قا تارتا ادام جارالانعان. جارالىلاردىڭ ءبىرازى اۋىر حالدە جاتقاندىقتان، قۇرباندار سانى ۇلعايۋى مۇمكىن دەگەن بولجام بار.
اۋە شابۋىلى يدليب پروۆينسياسىنىڭ زاردانا ەلدى مەكەنىندە جاسالعان. بۇل ايماقتى سيريالىق كوتەرىلىسشىلەر باقىلايدى. SOHR اۋە شابۋىلىن رەسەي ۇشاقتارى جاساعان بولۋى مۇمكىن دەپ بولجايدى. رەسەي اسكەري قولباسشىلىعى بۇل اقپاراتقا ازىرگە كوممەنتاريي بەرمەدى.
