وزبەكستان پرەزيدەنتى ەلدەگى يمپورت ماسەلەسىنە قاتىستى ەسكەرتۋلەر ايتىپ، كەدەنشىلەردى سىناعان. شاۆكات ميرزيايەۆتىڭ ايتۋىنشا، كەدەنشىلەر ءبىر-بىرىن كەز كەلگەن جاعدايدا ساتىپ كەتۋەگە دايىن تۇرادى.
«مەن ونسىز دا كەدەنشىلەردىڭ جارتىسىن تۇرمەگە وتىرعىزدىم. تەرگەۋ بارىسىندا ءبارىڭ بىر-بىرىڭە قارسى شىعاسىڭدار، كىمنىڭ قانشا پارا العانىن تاپتىشتەپ ايتىپ بەرەسىڭدەر. سەندەر ءبىر ۇيىمنىڭ وكىلى ەمەسسىڭدەر مە؟ وزدەرىڭ سۇتتەن اق، سۋدان تازا ادامداي، ءوز ۇيىمىڭنىڭ وكىلىن كورگە سۇيرەۋگە دايىنسىڭدار. ەڭ ۇلكەن پاراقور – سەندەرسىڭدەر»، - دەپ كەلتىردى وزبەك باسىلىمدارى ميرزيايەۆتىڭ ءسوزىن.
بۇدان بۇرىن وزبەك باسشىسى پارامەن ۇستالعان قارجىگەرلەردى «كورتىشقانعا»، پروكۋراتۋرا قىزمەتكەرلەرىن «ۇرىلار مەن قوقىسقا»، «تاكاپپار يتكە»، «وتان ساتقىندارىنا» دەيىن تەڭەگەن ەكەن.
