رەسەي قورعانىس مينيسترلىگىنىڭ رەسمي سايتى ەكىنشى دۇنيەجۇزىلىك سوعىستىڭ جوسپارى جازىلعان تاريحي قۇجاتتاردى جاريالادى. ولاردىڭ اراسىندا گەرمانيا ۇكىمەتىنىڭ «بارباروسسا» جوسپارى دا بار. بۇل تۋرالى ريا نوۆوستي پورتالى حابارلادى. 

قۇجاتتاردى قورعانىس مينيسترلىگىنىڭ اقپارات جانە بۇقارالىق كوممۋنيكاسيالار دەپارتامەنتىنىڭ قىزمەتكەرلەرى ق ر قورعانىس مينيسترلىگىنىڭ ورتالىق مۇراعاتىمەن بىرگە سيفرلانعان. قۇجاتتار ەكىنشى دۇنيەجۇزىلىك سوعىستىڭ باستالعان ۋاقىتىنا وراي جاريالاندى. بۇگىن، ياعني 22 ماۋسىمدا رەسەيلىكتەر ەسكە الۋ كۇنىن اتاپ وتەدى.

1939 جىلدىڭ 1 قىركۇيەگىندە پولشا مەملەكەتىنە شابۋىل جاساعان فاشيستىك گەرمانيا اسكەرى 1941 جىلدىڭ 22 ماۋسىمىندا كسرو شەكاراسىنا سوققى جاسادى. دۇنيەجۇزى حالقىنىڭ 80 % -ى قاتىسقان قاندى قىرعىنعا قازاقستاننان 2 ميلليونعا جۋىق ادام قاتىسقان. شامامەن 500-گە جۋىق قازاقستاندىق كەڭەس وداعىنىڭ باتىرلارى اتاندى. ال، 630 مىڭ ادام ءىس-تۇسسىز جوعالىپ، قايتىپ ورالعان. رەسمي دەرەكتەرگە سۇيەنسەك ءقازىر ەلىمىزدە 2067 سوعىس ارداگەرى بار