يراكتا بەيسەنبى كۇنى تەرروريزم ايىبىمەن ۇستالعان 12 ادام ءولىم جازاسىنا كەسىلدى. مۇنداي جازا ءتۇرى ەلدىڭ ۇكىمەت باسشىسى حايدار ءال-اباديدىڭ بۇيرىعىمەن بەكىتىلدى.

فرانس-پرەسس اگەنتتىگىنىڭ حابارلاۋىنشا، يراكتا جالپى العاندا دايش تەرروريستىك ۇيىمىنا قاتىسى بار 300 ادام مەن شەتەلدىك 100-گە جۋىق ايەل ءولىم جازاسىنا كەسىلگەن. تاعى 700 ايەل ۇكىم شىعارۋىن كۇتىپ وتىرعان كورىنەدى. ولاردىڭ ىشىندە 70-كە جۋىعى رەسەيلىك ايەلدەر ەكەنى انىقتالدى. 19-ى ءومىر بويىنا باس بوستاندىعىنان ايىرىلعان.

27 ناۋرىزدا باعداتقا جاقىن ماڭىنان دايش تۇتقىنىندا بولعان سەگىز ادامنىڭ ءولى دەنەسى تابىلعان. Human Rights Watch ۇيىمىنىڭ باس ساراپشىسى بەليكس ۆيللە نينيەۆيا پروۆينسياسىنداعى سوت وتىرىستارىنىڭ بارىسىن باقىلاپ قايتقان ەكەن. ايتۋىنشا، سوت شەشىمدەرى كۇدىككە تولى بولىپ شىقتى. تەرروريزممەن بايلانىستى يراكتىڭ سوت ىستەرى بازالىق نورماعا سايكەس كەلمەيدى.

Amnesty International اگەنتتىگىنىڭ مالىمەتىنە سايكەس، بىلتىر يراك ءولىم جازاسىنا كەسىلگەن ايىپتىلاردىڭ سانى بويىنشا جۇڭگو، يران جانە ساۋد ارابياسىنان كەيىن 4-ورىنعا شىقتى.