روزا رىمبايەۆا ق ر مادەنيەت جانە سپورت مينيسترلىگى ۇيىمداستىراتىن كەشتەردەن بىرنەشە جىلعا شەتتەتىلگەنى جايلى مالىمدەگەن ەدى. مينيسترلىك قازاقستان حالىق ءارتيسىنىڭ سىنىنا جاۋاپ بەرىپتى، دەپ جازادى Qamshy.kz اقپارات اگەنتتىگى.
«مادەنيەت جانە سپورت ءمينيسترى ارىستانبەك مۇحامەدي ۇلى روزا رىمبايەۆانىڭ شىعارماشىلىعىنا قاشان دا ەرەكشە تاڭدانىسپەن قارايدى. الەمدىك ارەنادا قازاقستاننىڭ ورنىن قالدىرعان روزا قۋانىشقىزىنا شىعارماشىلىق تابىستار تىلەيمىز. قازاق حالقىن اندەرىمەن قاشان دا قۋانتىپ جۇرە بەرسىن»، - دەلىنگەن مينيسترلىكتىڭ حابارلاماسىندا.
ەسكە سالا كەتسەك، بۇدان بۇرىن روزا رىمبايەۆا «رويال جوق ەكەن» دەگەن ءبىر اۋىز ءسوزى ءۇشىن تۋعان قالاسى سەمەيدىڭ كەشتەرىندە ونەر كورسەتۋ مۇمكىندىگىنەن ايىرىلعان. كەيىن مادەنيەت مينيسترلىگى ۇيىمداستىرعان كەشتەردەن دە بەس جىلعا دەيىن شەتتەتىلدى. مۇنى روزا قۋانىش قىزى وڭىرلىك كوممۋنيكاسيالار قىزمەتىنىڭ باسپا ءسوز ءماسليحاتى كەزىندە ايتقان بولاتىن. بۇعان قوسا ءانشى استانانىڭ 20 جىلدىعىنا ارنالعان مەرەكەلىك كەشتەردە دە ساحناعا شىقپايتىنىن مالىمدەدى.
