بالاسىنداي قازاققا ءبىر اتانىڭ،
قايعى-مۇڭسىز اتتى ما، مىنا تاڭىم؟
«مىڭ اسقانعا ءبىر توسقان...»-دەپ كۇبىرلەپ،
ءار تاڭ سايىن ءوزىمدى جۇباتامىن.
ءار قازاقتىڭ باسىندا وسى وي بار ما،
سەنىم قالماي ىشتەگى بوس ايبارعا...
كەلەر ايعا تاعى ءۇمىت ارتامىز با؟
ءۇمىت بولماي قالعاندا وسى ايلارعا.
ءدال وسىلاي قازاقتا كۇن وتۋدە،
ءدال وسىلاي قازاقتا ءتۇن وتۋدە...
كىم سەنىمىن جوعالتتى امالسىزدان،
كىم ميىنا تاعى ءۇمىت تۇنەتۋدە؟..
تاقىلداعان قۇر سوزگە تاڭدايى تەك،
دەپ قاي كەزدە ايتىپ ەك: «ماڭداي ۇلت ەك!»
الدانۋدان ەشقاشان شارشامايتىن
ايتىڭدارشى، يتجاندى قانداي ۇلت ەك؟..
بارلىعىن دا سۇراتپاي بەرە بەرەر،
تۇياق سەرىپپەي ءۇن-تۇنسىز ولە بەرەر...
شىنىمەنەن يتجاندى ۇلت بولدىق پا،
قانداي قورلىق، مازاققا كونە بەرەر؟
كونە بەرەر قانداي ءبىر يت قورلىققا،
اعايىننان الىستاپ سىرت قوندىق پا؟
قايان قازاق، قايتالاپ تاعى ايتامىن:
شىنىمەنەن يتجاندى ۇلت بولدىق پا؟..
جۇماش كوكبورى
