قازاقستان پرەزيدەنتى نۇرسۇلتان نازاربايەۆ «جەتىسۋ» ساياباعىنىڭ اشىلۋى كەزىندە ءوزىنىڭ اكەسى جايلى ءسوز قوزعادى. ەلباسىنىڭ اڭگىمەسىنەن ءۇزىندى ۆيدەونى اقوردانىڭ Instagram-داعى پاراقشاسى جاريالادى، دەپ جازادى Qamshy.kz اقپارات اگەنتتىگى.
«مەن – باقتا وسكەن اداممىن. اكەم باعبان بولاتىن. ءۇيىمىزدىڭ اينالاسىندا 25 سوتىق جەر بولاتىن، ول كەزدە ۇلكەن اۋلا ەدى. ول اۋلادا الما اعاشتارى جايقالىپ ءوسىپ تۇراتىن. اكەم باقشاداعى اعاشتىڭ تۇبىنەن-اق قاي اعاش ەكەنىن بىلەتىن، ونى ماعان ۇيرەتەتىن: مۇندا الما، مىنا جاقتا المۇرت. ناعىز ميچۋرين بولاتىن.
مەن سول باقتا ءوستىم، الما اعاشتارىن كۇتەتىنمىن، سۋ قۇيىپ، وسكەن سوڭ تەرىپ تۇراتىنمىن. كوكتەمدە الماتىعا اپارىپ، ساتاتىنبىز. ءبىزدىڭ وتباسى سولاي كۇن كورەتىن»، - دەدى پرەزيدەنت.
بۇدان بۇرىن اقوردا ەلباسىنىڭ بالالىق شاعىن ەسكە العان ءساتىن جاريالاعان.
