وزبەكستان پرەزيدەنتى شاۆكات ميرزيەيەۆ نۇرسۇلتان نازاربايەۆ جايلى ءوز ويىن ايتتى. وزبەكستان باسشىسىنىڭ ەلباسى جايلى ايتقان ۆيدەوسىن پرەزيدەنت تەلەراديوكەشەنىنىڭ Instagram-داعى پاراقشاسى جاريالادى.
«ەڭ الدىمەن، ۋاقىت پەن تاعدىر ماعان الەمدىك دەڭگەيدەگى مەملەكەتتىك ءارى ساياسي قايراتكەر – قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆپەن بىرگە جۇمىس ىستەۋگە مۇمكىندىگىن سىيلادى. ول – وزىق ويلى ادام. قاشان دا تىڭ رەفورمالارعا ۇمتىلادى. ول رەفورماتور. تاۋەلسىزدىك جىلدارى قازاقستاننىڭ قانداي جەتىستىكتەرگە جەتكەنىن كورۋگە بولادى. ەڭ باستىسى، قازاقستاندا بەيبىتشىلىك پەن تىنىشتىق ورناپ تۇر. رەفورمالار ءجۇرىپ جاتىر. قازاقستاننىڭ بۇگىنگى جەتىستىكتەرىنە بۇكىل الەم كۋا.
نازاربايەۆپەن سويلەسكەن كەزدە ءوزىمدى جايلى سەزىنەمىن. ءاربىر كەزدەسۋدەن ساباق الامىن. نۇرسۇلتان نازاربايەۆتىڭ تاعى ءبىر ەرەكشەلىگى ول ءوزىنىڭ كومانداسىنا قاشان دا ەرەكشە نازار اۋدارىپ جۇرەدى. ال كومانداسى نازارباەتىڭ ريەۆوليۋسيالىق يدەيالارىن جۇزەگە اسىرادى»، - دەدى ميرزيەيەۆ.
ايتا كەتەيىك، 6 شىلدەدە مەملەكەت باسشىسى نۇرسۇلتان نازاربايەۆ 78 جاسقا تولادى.
