شىمكەنتتە 11 جاسار بالا زورلاندى دەگەندى العاش ەستىگەندە جاعامدى ۇستادىم. ءبىر اي بويى سول بالانىڭ باسىنان كەشكەنى كوك جاشىكتىڭ «سانىنە» اينالدى. الەۋمەتتىك جەلى شۋلادى، جۋرناليستەر اقپاراتىن جاۋدىردى، ايتەۋىر بالا ۇمىتىلدى. مۇنداي سۇمدىق ەندىگارى قايتالانباسا ەكەن دەپ ىشتەي تىلەدىك. ءبىراق قۇداي تىلەگەنىمىزدى بەرمەدى. شىرايلى شىمكەنت جاقسى جاڭالىقتارمەن قۋانتپاي، قايتادان كوڭىلگە كىربىڭ ءتۇسىردى. تاعى ءبىر بالا پەدوفيلدىڭ ويىنشىعىنا اينالدى. اتا-انا رەتىندە بالامىزدىڭ بولاشاعىنا الاڭداپ، اۋلاداعى اتكەنشەكتى تەبۋگە جالعىز جىبەرۋگە قورقىپ وتىرمىز. بيلىك بولسا جۇمعان اۋزىن اشپايدى. قازاق شەنەۋنىكتەرىنىڭ بالالارى بار ما، ولار بولاشاق ءۇشىن ۋايىم شەگەدى مە، تەلەديداردى قوسىپ ەلدە نە بولىپ جاتىر ەكەن دەپ قىزىعۋشىلىق بىلدىرەدى مە دەگەن مازالى سۇراق تۋىندايدى. قۇرىسىن ءبارى، فەيسبۋكقا كىرەدى مە ەكەن؟ الدە سۋكەربەرگتەن سەسكەنىپ، تەك ينستاگرامدى پانالايدى ما؟
فەيسبۋك دەمەكشى، اتالمىش سۇمدىق وقيعاعا بايلانىستى ازاماتتىق پىكىرىن ءبىلدىرىپ، پەدوفيلدەرگە قاتىستى قولدانىلاتىن جازانى قاتايتۋ ماسەلەسىن كوتەرىپ، بيلىكتەن باس كوتەرىپ، قۇلاق اسۋدى سۇراپ جاتقان قازاقتىڭ قاراسى كوپ. نازارلارىڭىزعا ۇسىنايىن.
اڭساعان مۇستافا: «باياعىدا امەريكادا ءبىر پەدوفيل بالاسىن قورادا زورلاپ جاتقان جەردە اكەسى ۇستىنەن ءتۇسىپ، توبەلەس بولىپ، ميليسيا ۇستاپ اكەتىپتى، ءبىراق اكەسى كەش بارعان ەكەن، بالا العان تراۆمالاردان كوز جۇمىپتى. ول كەزدە امەريكادا ءولىم جازاسىن بەرمەيتىنىن بىلگەن اكە، سوت ءجۇرىپ جاتقان ءۇش ايدا دروتيكپەن مەشەنگە تۋرا قاداپ ۇيرەنۋمەن ۋاقىتىن وتكىزىپتى. سوت وتىرىسى بولعان كۇنى قالتاسىنا دروتيك سالىپ اپارىپ، سوت شەشىمىن شىعارا بەرگەندە، دروتيگىن لاقتىرىپ حايۋاننىڭ ماڭدايىنان ساق ەتكىزىپ ءدال تيگىزىپ، بۇكىل سوتتاردىڭ كوزىنشە و دۇنيەگە اتتاندىرىپ جىبەرگەن ەكەن. سوت ازداپ كەڭەسىپ، بالانىڭ اكەسىن، سوت زالىنان شىعارىپ جىبەرگەن ەكەن... ءبىزدىڭ ەلدە ءولىم جازاسى جوق، ەڭ بولماسا، پىشتىرەيىك مالداردى. كەشە شىمكەنتتە بولعان وقيعانى ءبارىمىز كوردىك، ماسقارا عوي. ول وتىرىپ شىعىپ، باسقا بالاعا تاعى قيانات جاساۋى مۇمكىن... پەدوفيلداردىڭ بۇتىنان بۇرعى تىعىپ باسىنان تەسىپ شىعارىپ ءولتىرۋ كەرەك. ەلدىڭ كوزىنشە. تالاپ ەتەم. قاشانعى بەيكۇنا پەرىشتەلەر زورلانا بەرۋ كەرەك؟ نەگە؟»
ەلميرا ابدىكارىموۆا:ءبىزدىڭ ەرلەر جالتاق پا، قورقاق پا بولىپ قالعان سياقتى... جاي كۇندە كۇشتەرىن قايدا جۇمسارىن بىلمەي، تاسىنىپ اتىپ كەتىپ، پىشاقتاپ ولتىرە سالادى، جازىقسىزدار دا بار ىشىندە... وسىنداي جاعدايدا كورسەتىڭدەرشى سول كۇشتەرىڭدى، قۇرمەتتى ازاماتتار! مۇنداي مالعۇندارعا جانى اشۋدىڭ ءوزى ارتىق! ءبارىمىز ۇل-قىز ءوسىرىپ وتىرمىز، قاشانعى ۇرەي-قورقىنىشپەن ءومىر سۇرەمىز؟! زاڭعا نەگە ەنگىزبەيدى ءولىم جازاسىن؟ بۇلار داندايسىدى، سانى ارتىپ بارادى، ءتىپتى وقىپ تۇرىپ ەلەڭ ەتپەي ءوتىپ كەتەتىندەر كوبەيدى. “ەتى ءولىپ كەتكەن"...ادامنىڭ ەڭ وسال تۇسى، ءالسىز جاندى جەرى دە پەرزەنتى، بالا ءۇشىن وتقا دا كۇيىپ، سۋعا دا تۇسەمىز... بۇل ءتىپتى ەڭ قورقىنىشتى جاعداي! حالىقتىڭ الدىنا شىعارتىپ تاس لاقتىرىپ، ازاپتاپ ءولتىرسىن!
اياتجان احمەتجان: پەدوفيلدەرگە - ءولىم!
بۇل تالقىلانباۋى كەرەك!
ءنازيا جويامەرگەن قىزى: پەدوفيلدەرگە ءولىم جازاسى كەسىلسىن! قانشا بالا، قانشا اكە مەن انانىڭ كوز جاسىنا قالاتىنداردىڭ ءومىر سۇرۋگە قاقى جوق! ولار ەمدەلمەيدى! ءپىشتىرۋدىڭ دە قاجەتى جوق. وندا ايۋانداردى تۇرمەدە تەگىن اسىراۋ – اقىماقتىق!
سەرىكقازى كوكەناي: مىنا مالدى ءتىپتى سوتتالسا دا، تۇرمەگە ءتىرى قويا بەرەمىز بە؟ ونى اتۋ، اسۋ از! پىشاقتاپ، كەسكىلەپ جانىن قيناپ ءولتىرۋ كەرەك! و، قۇدايىم ءوزىڭ كەشىرە كور! وسىلاي قوعامدا تالقىلاۋ جاساپ، ارى قاراي جوعارى بيلىككە، قۇقىق قورعاۋ ورگاندارىنا جانە زاڭ شىعارۋشى بيلىككە تالاپ-ارازىمىزدى قويۋىمىز جانە ورىنداتۋىمىز كەرەك!
بىزدەن سۇراق – ءبىر قازاق بالاسىنىڭ ءتان ازابى، جان قينالىسى قالايشا سىزدەردى بەيجاي قالدىرادى؟ ۇرپاق ءسۇيىپ، نەمەرە باعاتىنداي جاسقا جەتپەپ پە ەدىڭىزدەر؟ ەليتالى كوتتەدجدە تۇراتىن بالاعا سۇق كوز قادالىپ، قوعامنىڭ قاتىگەزدىگى مەن وزبىرلىعىنىڭ نىسانىنا اينالمايدى دەپ كىم كەپىل بەرە الادى؟
پىكىر قالدىرۋ