اقتوبە وبلىسىنىڭ پروكۋراتۋراسى اقتوبە وبلىسى ىرعىز اۋدانىندا اۆتوبۋستىڭ ورتەنۋى سالدارىنان 52 وزبەكستان ازاماتىنىڭ مەرت بولۋىنا بايلانىستى ءىستى سوتقا جولدادى، دەپ حابارلايدى Qamshy.kz اقپارات اگەنتتىگى ق ر باس پروكۋراتۋرانىڭ باسپا ءسوز قىزمەتىنە سىلتەمە جاساپ.

5 ادام ايىپتالۋشى دەپ تانىلدى. ونىڭ 3-ەۋى اۆتوبۋس جۇرگىزۋشىسى جانە «ازيا ترانزيت سەرۆيس» ج ش س 2 قىزمەتكەرى – قۇرىلتايشى مەن سەرىكتەستىكتىڭ مەحانيگى. اتالعانداردىڭ مىندەتى – رەيسكە شىعار الدىندا اۆتوبۋستى تەكسەرۋ.

كومپانيا قۇرىلتايشىسىنىڭ ارەكەتى كوممەرسيالىق ۇيىمداردا مىندەتتەرىنە ادال قاراماۋ (قك-نىڭ 254-بابى)، ەكى جانە ودان كوپ ادامنىڭ قازا بولۋىنا اكەپ سوققان جارامسىز اۆتوكولىك قۇرالىن پايدالانۋعا ەنگىزۋ، سونداي-اق رەسمي قۇجاتتى قولدان جاساۋ، كورىنەۋ جالعان قۇجاتتى پايدالانۋ (قك-نىڭ 385-بابىنىڭ 1 جانە 3-بولىكتەرى) رەتىندە سارالاندى.

مەحانيكتىڭ ارەكەتى ەكى جانە ودان كوپ ادامنىڭ قازا بولۋىنا اكەپ سوققان جارامسىز اۆتوكولىك قۇرالىن پايدالانۋعا شىعارۋ   (قك-نىڭ 348-بابىنىڭ 4-بولىگى) رەتىندە، ال اۆتوبۋس جۇرگىزۋشىلەرىنىڭ ارەكەتى ەكى جانە ودان كوپ ادامنىڭ قازا بولۋىنا اكەپ سوققان كولىك قۇرالىن پايدالانۋ قاعيدالارىن بۇزۋ (قك-نىڭ 345-بابىنىڭ 4-بولىگى) جانە ەكى جانە ودان كوپ ادامنىڭ ابايسىزدا قازا بولۋىنا اكەپ سوققان ءورت قاۋىپسىزدىگى قاعيدالارىن بۇزۋ (قك-نىڭ 292-بابىنىڭ 3-بولىگى) رەتىندە سارالاندى.

سوت اۆتوبۋس جۇرگىزۋشىلەرىنە قاماۋدا كۇزەتپەن ۇستاۋ تۇرىندە بۇلتارتپاۋ، سەرىكتەستىكتىڭ باسشىسى مەن مەحانيككە قاتىستى كەپىل تۇرىندە بۇلتارتپاۋ شاراسىن تاڭدادى.

اۆتوبۋس يەسىنە كۇزەتپەن قاماۋدا ۇستاۋ تۇرىندە بۇلتارتپاۋ شاراسى تاعايىندالا وتىرىپ، حالىقارالىق ىزدەستىرۋگە جاريالاندى.