كانادالىق جازۋشى مايكل ونداتجەنىڭ «اعىلشىن پاسيەنت» اتتى رومانى «التىن بۋكەر» ارنايى ادەبي سىيلىعىن جەڭىپ الدى. بۇل تۋرالى Qamshy.kz اقپارات اگەنتتىگى ريا نوۆوستي پورتالىنا سىلتەمە جاساپ حابارلايدى.
ەكىنشى دۇنيەجۇزىلىك سوعىس جايلى جازىلعان رومان 1992 جىلى «بۋكەر» سىيلىعىن العان. كەيىن رومان سيۋجەتىنە سايكەس فيلم ءتۇسىرىلدى. وندا باستى رولدەردى تانىمال اكتەرلەر رەيف فاينس پەن جيۋلەت بينوش سومداعان. ايتا كەتەرلىگى، فيلم 1996 جىلى «وسكار» سىيلىعىن جەڭىپ الدى.
ال بۇل جولعى ۇزدىك سىيلىق روماننىڭ وزىنە بۇيىرىپتى. «التىن بۋكەر» سىيلىعىنىڭ «بۋكەر» سىيلىعىنان ايىرماشىلىعى ۇزدىك رومان قازىلار القاسىنىڭ شەشىمىمەن ەمەس، وقىرمانداردىڭ داۋىس بەرۋ ناتيجەسى ارقىلى انىقتالادى.
