ق ر مادەنيەت جانە سپورت ءمينيسترى ارىستانبەك مۇحامەدي ۇلى استانا جايلى ءاندى ءوزى جازعان. اتالمىش انگە تۇسىرىلگەن بەينباياندى مينيستر Facebook-تەگى پاراقشاسىندا جاريالادى، دەپ حابارلايدى Qamshy.kz اقپارات اگەنتتىگى.

"دوستارىم، اسەم ەلوردامىزدىڭ مەرەيتويىنا ارنالعان «اق وردام - استانا» ءانىن Capriccio توبىنىڭ ورىنداۋىندا قابىل الىڭىزدار. ءسوزى ءشومىشباي سارييەۆتىكى، مۋزىكاسىنىڭ اۆتورى مەن. كوڭىلدەرىڭىزدەن شىعادى دەگەن ۇمىتتەمىن"، - دەپ جازدى مينيستر جەلىدەگى پاراقشاسىنا. 

ايتا كەتەيىك، 6 شىلدە كۇنى قازاقستاندىقتار استانا كۇنىن تويلادى. مەرەكەنى اتاپ ءوتۋ ءۇشىن بىرنەشە ءىس-شاراعا مەملەكەتتىك بيۋدجەتتەن 19 ملرد تەڭگە جۇمسالاتىنى حابارلانعان. ءارى ءدال سول كۇنى مەملەكەت باسشىسى نۇرسۇلتان نازاربايەۆ 78 جاسقا تولدى.

ال ارىستانبەك مۇحامەدي ۇلى جۇبانوۆ اتىنداعى رەسپۋبليكالىق ارنايى مۋزىكالىق مەكتەبىن ءتامامداعان. ءوزىنىڭ ەڭبەك جولىن 1984 جىلى جامبىل اتىنداعى قازاق مەملەكەتتىك فيلارمونياسىنىڭ مەملەكەتتىك سيمفونيالىق وركەسترىنىڭ ءارتيسى بولىپ باستاعان. "اسىل سەزىم"، "استانا"، "دوستارىم" جانە تاعى بىرنەشە ءاننىڭ اۆتورى.