بالالار ساۋىقتىرۋ لاگەرىندە بولعان قايعىلى وقيعا! جۇمباق جاعدايدا قايتىس بولعان 15 جاستاعى ءجاسوسپىرىم جونىندە تىڭ اقپاراتتار شىقتى. اندرەي سەمەنسوۆپەن ءبىر سىنىپتا وقىعان قۇربىسى ەۋرازيا ءبىرىنشى ارناسىنا ەكسكليۋزيۆتى سۇقبات بەردى. وقۋشى قىزدىڭ ايتۋىنشا، مارقۇم ساباق كەزىندە "سۋيسيد" جونىندە كوپ ايتاتىن دەيدى. ءبىراق، ونىڭ وز-وزىنە قول جۇمساۋىنا سەنبەيتىنىن ايتادى. ال، قايعىلى وقيعا ورىن العان جەرگە جاۋاپتى ىشكى ىستەر دەپارتامەنتىنىڭ مالىمەتىنشە، بالا شومىلۋعا تىيىم سالىنعان جەرگە ءتۇسىپ، باتىپ كەتكەن. ال، ءجاسوسپىرىم وقىعان ءبىلىم وشاعىنىڭ ۇستازدارى قانداي دا ءبىر اقپارات بەرۋدەن باس تارتىپ وتىر.

بىزگە بەلگىلى بولعانداي، مارقۇم بولعان 15 جاستاعى اندرەي سەمەنسوۆ قالاداعى ءدال وسى 28ء-شى ورتا مەكتەپتە 8-سىنىپتا ءبىلىم العان. ءقازىر جاز مەزگىلى بولعاندىقتان، وقۋشىلاردىڭ بارلىعى دەمالىستا. ال، مەكتەپ قىزمەتكەرلەرى بولسا، بارلىق جاۋاپكەرشىلىكتى ءبىلىم باسقارماسىنا سىلتەپ، قانداي دا ءبىر جاۋاپ بەرۋدەن باس تارتىپ وتىر".    

ەسىمىن اتاماۋدى وتىنگەن مارقۇمنىڭ سىنىپتاسى اندرەيدى وتە جاقسى تانيتىنىن ايتادى. بىرگە ەمەن-جارقىن ارالاسقان. سىنىپتا وتە بەلسەندى بولعان كورىنەدى. ءتۇرلى مەكتەپارالىق ءىس-شارالارعا قاتىسقان. ءبىراق، سوڭعى كەزدەرى دوستارىنا ءازىل-شىنىن ارالاستىرىپ سۋيسيد جونىندە كوپ سوزدەر ايتقانىن ايتادى. دەگەنمەن، ومىرگە قىزىعاتىن دوسىنىڭ وز-وزىنە قول سالعانىنا سەنگىسى كەلمەيدى. 

"مەن اندرەي سەمەنسوۆتىڭ سىنىپتاسىمىن. ءبىراق، مەن مەكتەپكە جاڭادان كەلگەندىكتەن تەك 1-اق جىل بىرگە وقىدىم. بىردەن ايتارىم، ول وتە جاقسى بالا بولاتىن. مەكتەپتە بەلسەندى، ۇنەمى كوڭىلدى جۇرەتىن. وسىنداي قايعىلى وقيعا ورىن العانىنا ءالى دە سەنبەي وتىرمىن " – مارقۇمنىڭ سىنىپتاسى.

تۋىستارى بولسا، بۇگىن مارقۇمعا ارناپ اس بەرىپ جاتقاندارىن ايتىپ، مازالاماۋىمىزدى ءوتىندى. ال، قايعىلى وقيعا بولعان ايماققا جاۋاپتى اقمولا وبلىستىق ىشكى ىستەر دەپارتامەنتى وكىلدەرى بۇل جونىندە رەسمي مالىمدەمە جاسادى.

«بۇل ءىس بويىنشا ق ر قىلمىستىق كودەكسىنىڭ 254-بابى بويىنشا  (مىندەتتەرىنە ادال قاراماۋ)  سوتقا دەيىنگى تەرگەۋ امالدارى ءجۇرىپ جاتىر.  انىقتالعانداي سەمەنسوۆ ا.د.  «ارمان»بالالار ساۋىقتىرۋ لاگەرىندە بولعان، ۇستىمىزدەگى جىلدىڭ 9 شىلدەسى كۇنى كولدىڭ شومىلۋعا تىيىم سالىنعان جەرىندە سۋعا باتىپ كەتكەن». 

«سىنىپتاسىنىڭ ايتۋىنشا، مارقۇم بولعان اندرەي سەمەنسوۆ، بۇل جازعى دەمالىس لاگەرىنە جولدامانى ءوز قارجىسىنا العان. سونداي-اق، ول ءبىلىم العان 8 سىنىپتان تاعى ءبىر دوسى سونىمەن بىرگە دەمالۋعا بارعان كورىنەدى. ءبىراق، ونى تابا المادىق» - اقمولا وبلىستىق ىشكى ىستەر دەپارتامەنتىنىڭ رەسمي جاۋابى.

"سونداي-اق ول مەكتەپتە وتە تانىمال بولاتىن. مەن ءالى سىنىپتاسىمنان، دوسىمنان ايىرىلىپ قالعانىمىز وكىنىشتى. اتا-اناسىنا كوڭىل ايتامىن. كىنالىلەر تابىلىپ، جازاسىن السىن" – دەيدى مارقۇمنىڭ سىنىپتاسى.

 دوسىنىڭ كىنالىلەر تابىلىپ، جازاسىن السىن دەۋى بەكەر ەمەس سياقتى. ويتكەنى، ونى الدەكىمدەر ۇرىپ-سوعىپ، سوسىن دەنەسىن سۋعا تاستاپ كەتكەن دەگەن دە دولبارلار ايتىلعان ەدى. الايدا، بۇل فاكتى ءالى راستالعان جوق. ال، مارقۇمنىڭ نەلىكتەن تىيىم سالىنعان جەردە شومىلعانى ازىرگە انىقتالۋ ۇستىندە. ءتىپتى، بۇل جۇمباق ءىستى وبلىستىق پروكۋراتۋرا ءوز باقىلاۋىنا العان كورىنەدى.

ءبىراق، مارقۇمنىڭ اتا-اناسى ءالى كۇنگە دەيىن تەرگەۋشىلەرمەن بەتپە-بەت كەزدەسپەگەن. قايعىدان قان جۇتقان مارقۇمنىڭ اكەسى بىزگە تەلەفون ارقىلى بالانىڭ دەنەسىندە ىسىكتەر مەن جارالار بولعان. ول كوكشەتاۋعا تەك ەرتەڭ اتتاناتىنىن ايتتى. ال، بۇل ىسكە  ءبىلىم جانە عىلىم مينيسترىلىگىنىڭ وكىلدەرى ماردىمدى جاۋاپ بەرە المادى.    

"بۇل بىزدە ليسەنزيالانبايتىن قىزمەت ءتۇرى. سونداي-اق اتالمىش ۇيىم ءبىلىم بەرۋدىڭ قوسىمشا تۇرىنە جاتادى، ياعني ءتۇرلى لاگەردەگى ۇيىرمەلەر، ءتىل ورتالىقتارى تاعى باسقا. بۇل قىزمەت ءتۇرى باسەكەلەستىك جوعارى ورتا. مۇنىڭ بارلىعىن ءبىز جان-جاقتى ارنايى تەكسەرىس كەزىندە سۇرايتىن بولامىز" – دەيدى ق ر ءبىلىم جانە عىلىم ۆيسە-مينيسترى بيبىگۇل اسىلوۆا.  

اتا-انالار ءوز قولىمەن پەرزەنتتەرىن جەرلەمەۋى قاجەت! وسىلاي بۇگىندە 15 جاستاعى اندرەي سەمەنسوۆتىڭ جۇمباق ءولىمى قوعامدىق قىزۋ پىكىرتالاس تۋعىزدى. قايعىلى وقيعا 9 شىلدە كۇنى "ارمان" بالالار لاگەرىندە بولعان. الدىن-الا اقپاراتتارعا سەنسەك، جەتكىنشەك سۋعا باتىپ كەتكەن. وقيعانىڭ جاي-جاپسارىن ءبىزدىڭ ارنا باستى نازاردا ۇستايتىن بولادى.