19 شىلدەدە ساعات كەشكى 18:00-گە تامان قازاقستاندىق مانەرلەپ سىرعاناۋ شەبەرى دەنيس تەن پىشاق جاراقاتىنان قايتىس بولدى. كەشەگى كۇن بۇكىل قازاقستان ءۇشىن قارالى كۇن سانالدى. سەبەبى ەلىمىز دارا تۇلعادان، تالانتتى ازاماتتان ايىرىلدى.
قازاقستاندىق چەمپيوندى ۇرى ءارى قاندىقول قىلمىسكەر قۇرمانعازى مەن بايسەيىتوۆ كوشەلىرىنىڭ قيىلىسىندا پىشاقتاپ كەتكەن ەدءى. سونىڭ سالدارىنان دەنيس 3 ليترگە جۋىق قان جوعالتتى. دارىگەرلەر ونىڭ ومىرىمەن 2 ساعات بويى ارپالىستى، الايدا ناتيجەسىز بولدى. جۇلدىز ءبىر ساتتە ءسوندى دە قالدى. دەنيستىڭ ولىمىنە قايعىرماعان قازاقستاندىق جوق. وسىعان وراي كەشەلى الماتىلىقتار سپورتشىنى پىشاقتاعان جەرگە بارىپ، دەنيس تەننىڭ جارقىن ساتتەرىن ەستەرىنە الىپ، گۇل شوقتارىن قالدىرىپ جاتىر. قايعىلى وقيعا ورىن العان ورىننان جۋرناليست سەرىك ابباس-شاح Facebook-تاعى پاراقشاسىنا ۆيدەو سالدى.
بۇل ورنى تولماس قازا بولدى. دەنيستىڭ ەسىمى ەل ەسىندە ماڭگى ساقتالادى. Qamshy.kz اقپارات اگەنتتىگى دەنيستىڭ جالعىز اناسىنا ءارى حالىققا قايعىرىپ كوڭىل ايتادى.
