ق ر ەڭبەك جانە حالىقتى الەۋمەتتىك قورعاۋ ۆيسە-مينيسترى ناريمان نۇرلان ۇلى مۇقىشيەۆ الداعى ۋاقىتتا جۇمىسقا ورنالاسۋ ءۇشىن تەك جەكە كۋالىكتىڭ عانا قاجەت بولاتىندىعىن اتاپ ءوتتى. بۇل تۋرالى ول استاناداعى Astana Hub تەحنوپاركىندە بولعان كەزدەسۋدە مالىمدەدى.

«ءبىز الدىمىزعا ەكى ماقسات قويدىق. ونىڭ ءبىرى – جۇمىسقا تەك جەكە كۋالىك ارقىلى ورنالاسۋ. قازىرگى كەزدە جۇمىسقا تۇرۋ ءۇشىن ديپلوم، 086ۋ انىقتاماسى جانە ت.ب. قۇجاتتار تالاپ ەتىلىپ كەلەدى. ەندىگى ۋاقىتتا تەك قانا جەكە كۋالىك ارقىلى جۇمىسقا ورنالاسۋعا بولادى»، - دەدى ن. مۇقىشيەۆ.

سونداي-اق، ول ەڭبەك كىتاپشاسىنىڭ الداعى ۋاقىتتا تۇبەگەيلى جويىلاتىنىن، بۇل ماقساتتا جاڭا جۇيەنىڭ قۇرىلاتىندىعىن مالىمدەدى.

«ەكىنشى ماقساتىمىز – ەڭبەك كىتاپشاسىنان مۇلدەم باس تارتۋ. بۇل ءۇشىن ءبىز نە ىستەدىك؟ وسىعان بايلانىستى، كەلىسىم-شارتتاردىڭ ءبىرىڭعاي ساقتاۋ جۇيەسىن قۇردىق. بۇدان وزگە، جەكە كۋالىكتى ايتپاعاندا قۇجاتسىز جۇيەگە كوشۋ مەن IT-نارىعىن ىنتالاندىرۋ دا باستى ماقساتتارىمىزدىڭ ءبىرى سانالادى»، - دەدى ۆيسە-مينيستر.

ونىڭ ايتۋىنشا، ساتتىلىككە جەتۋدىڭ باستى سەبەبى – ىستەپ جۇرگەن ىسكە جاۋاپتىلىقپەن قاراپ، بارىن سالىپ قىزمەت ەتۋدە ەكەن.

«بۇگىن مەن ات ستارتاپ تۋرالى ەمەس، جالپى تاسىلدەر تۋرالى ايتقىم كەلىپ تۇر. ويتكەنى، ادىستەر بارلىق سالاعا كەرەك. ەگەر ءبىز ءوزىمىز ىستەپ جۇرگەن ىسىمىزگە ءمان بەرەتىن بولساق ساتتىلىككە دە، جەتىستىككە دە جەتەتىن بولامىز. ءار ادام جانىن سالىپ ەڭبەك ەتسە، جۇرەگىمەن قىزمەت ەتسە ءبارى دە بولادى. ەڭ باستى ينۆەستيسيا - ول وزىڭە قۇيۋ. ول دەگەنىمىز - جاڭا بىلىمدەر مەن جاڭا داعدىلار»، - دەپ اتاپ ءوتتى ناريمان نۇرلان ۇلى.

كەزدەسۋ بارىسىندا ۆيسە-مينيستر ەلىمىزدەگى ە-كوممەرسيانىڭ دامۋ جاعدايى جونىندە، سونداي-اق، سيفرلاندىرۋدىڭ اياسىندا جۇزەگە اسىپ جاتقان جوبالار مەن پرواكتيۆتى قىزمەتتەرگە توقتالدى.

«ەلەكتروندى كوممەرسيا ەلىمىزدەگى قارقىندى دامىپ كەلە جاتقان سالالاردىڭ ءبىرى. ونىڭ دامۋ قارقىنى قازاقستاندا 100 پايىزدى كورسەتىپ وتىر. ال، بۇل كورسەتكىش الەمدە 50-60 پايىزدى قۇراپ وتىر. وسىدان كورەتىنىمىز ءبىزدىڭ ازاماتتارىمىز ونلاين-ساۋدانى تەز مەڭگەرىپ، جىلدام بەيىمدەلۋدە»، - دەدى ول. 

ايتا كەتەيىك، اتالعان شارا 24 شىلدەدە استانا قالاسىنداعى Astana Hub تەحنوپاركىندە ءوتتى. وعان بيزنەس وكىلدەرى مەن ءوز ىستەرىن جاڭادان باستاپ جاتقان كاسىپكەرلەر جانە ءىت ماماندارى قاتىستى. ولار ۆيسە-مينيستردىڭ بايانداماسىنان كەيىن وزدەرىن تولعاندىرعان سۇراقتارىن جولداپ، ءوزارا پىكىر الماستى. سونىمەن قاتار، ەڭبەك جانە حالىقتى الەۋمەتتىك قورعاۋ مينيسترلىگىندە سيفرلاندىرۋ قالاي ءجۇرىپ جاتقانى تۋرالى سپيكەردەن IT-تەحنولوگيالارداعى تاجىريبەمەن ءبولىسۋدى سۇرادى.