2017 جىلدىڭ ستاتيستيكالىق دەرەكتەرىنە سۇيەنەتىن بولساق، استانا قالاسىندا گەپاتيت اۋرۋىنا شالدىققان 7005 ادام تىركەلدى: ونىڭ 95ء-ى بالا (ءارتۇرلى جاستاعى بالالار مەن جاسوسپىرىمدەر) جانە 6910-ى ەرەسەك ادام.

ادام اعزاسىنداعى ەڭ ماڭىزدى قىزمەتتەردىڭ ءبىرىن باۋىر اتقاراتىنى بەلگىلى. باۋىر ادام اعزاسىنىڭ حيميالىق زەرتحاناسى بولىپ سانالادى، ويتكەنى قاندى تازارتۋ مەن ۋلى زاتتاردان ارىلتۋعا كومەكتەسەتىن باستى ىشكى مۇشەلەردىڭ قاتارىنا جاتادى. 300 ميللياردقا جۋىق باۋىرداعى جاسۋشا قاننان اعزاعا قاجەتتى قىشقىلدار مەن قورەك بولار ونىمدەردى ءبولىپ الىپ، سۇزگىدەن وتكىزىپ، قاجەتتى جەرىنە جەتكىزىپ وتىرادى.

گەپاتيت نەمەسە سارى اۋرۋ – گەپاتيت ۆيرۋستارى مەن ينفەكسيالاردان بولاتىن باۋىردىڭ وتكىر جانە سوزىلمالى قابىنۋ اۋرۋلارى. گەپاتيتتىڭ ا، ۆ، س، D جانە E تۇرلەرى بارى بەلگىلى. ولاردىڭ ءارقايسىسىنىڭ ءوز ەرەكشەلىكتەرى بار.

گەپاتيت كوبىنەسە سيمپتومسىز وتەدى نەمەسە باسقا اۋرۋلاردىڭ سيمپتومدارىنا ۇقساس كەلەتىندىكتەن دياگنوزدى دەر كەزىندە قويۋ قيىن. سونىسىمەن گەپاتيت ءقاۋىپتى اۋرۋ بولىپ سانالادى. اسقىنۋىنىڭ سالدارىنان باۋىر سيرروزى، باۋىر ىسىگى، فيبروز سياقتى ءقاۋىپتى سىرقاتقا الىپ كەلەدى.

گەپاتيت ۆيرۋستارى لاستانعان تاعامدار مەن سۋ پايدالانۋ، انتيسانيتارلىق جاعدايدا ءومىر ءسۇرۋ، ۆيرۋس جۇققان قاندى قۇيۋ، بوسانۋ كەزىندە جۇقتىرۋ، جىنىستىق قاتىناس، اعزاعا ۋلى زاتتاردىڭ ءتۇسۋى، جەكە گيگيەنا تالاپتارىن ساقتاماۋ سياقتى ءتۇرلى جولدار ارقىلى بەرىلەدى. ال ۆيرۋستان قورعانۋدىڭ ەڭ باستى جولى – اۋرۋدىڭ الدىن الۋ، ياعني جەكە تازالىقتى ساقتاۋ، تازا اۋىز سۋدى تۇتىنۋ، ءقاۋىپسىز جىنىستىق بايلانىس، ناشاقورلىق قۇرالداردى قولدانۋدان باس تارتۋ، كوسمەتيكالىق شارالاردى ارنايى مەكەمەلەردە جاساتۋ، ينەكسيا ءۇشىن ءبىر رەتتىك ينە مەن ءشپريستى قولدانۋ، قان ونىمدەرىنىڭ قاۋىپسىزدىگىن قامتاماسىز ەتۋ، ۆاكسيناسيا جاساۋ.

-يممۋنداۋ شاراسى جىل سايىن 2-3 ميلليون ادامنىڭ ءومىرىن ساقتاپ قالۋعا مۇمكىندىك بەرەدى. قازاقستاندا سوڭعى 25 جىلدا جاپپاي ەكپە جاساۋ ناتيجەسىندە ۆ گەپاتيتىمەن اۋىرعان بالالار سانى 1234،5، ەرەسەكتەر سانى 311،5 ەسە ازايعان. قازىرگى تاڭدا گەپاتيتتەن قورعانۋدىڭ ەڭ ءتيىمدى جولى – ەكپە سالدىرۋ. بۇل رەتتە مەملەكەت كەپىلدەندىرىلگەن تەگىن مەديسينالىق كومەك پاكەتى ارقىلى ازاماتتارعا ءقاۋىپتى اۋرۋلاردىڭ، سونىڭ ىشىندە، گەپاتيتتىڭ الدىن الۋعا زور مۇمكىندىك بەرەدى»، - دەدى «ءامسق» كەاق استانا قالاسى بويىنشا فيليالىنىڭ ديرەكتورى ن.قابدىقاپاروۆ.