تالعار اۋدانىنداعى جانتۇرشىگەرلىك قىلمىس پوليسيا قىزمەتكەرلەرىن دۇرلىكتىردى. الماتى وبلىستىق ءىىد اۋدانداعى كافە ماڭىندا بولعان ولىمگە قاتىستى تەرگەۋ جۇمىستارىن باستادى. بۇل تۋرالى tengrinews.kz پورتالى حابارلادى. 

28 شىلدەدە تالعار اۋداندىق اۋرۋحاناسىنا پىشاق جاراقتىمەن ءارى وق اتىلعان ەكى ەر ادام تۇسكەن ەدى: ايبەك كوپجاساروۆ پەن جاسۇلان تاتتىبايەۆ. كوپ ۇزاماي جاسۇلان تاتتىبايەۆ قايتىس بولعان ەدى.

اعاسى ەرلان تاتتىبايەۆ ءىستىڭ ءمان-جايىن اشىپ بەرۋگە تىرىستى:

«ءبىز كافەدە وتىرعان ەدىك، ول دا (كۇدىكتى) سوندا بولدى. ءىنىم ەكەۋى ءبىر-بىرىن بالا كۇننەن تانىدى، ءبىر اۋىلدا ءوستى. ول جاسۇلاننان تەمەكى سۇراپ كەلدى، ءىنىم «جوق» دەپ جاۋاپ بەردى. ءبارى سودان باستالدى. ول كەتىپ قالدى دا، ءبىر توپ ەر ادامدارمەن قايتىپ كەلدى. ءسويتىپ ءىنىمدى سىرتقا الىپ شىقتى.

ءبىر ۋاقىتتا اتىس بولدى. ماعان پىشاق سۇقتى. ال ىنىمە قالاي وق اتىلعانىن ءوز كوزىممەن كوردىم. ونى اۋداندىق اۋرۋحاناعا جەتكىزدى، كوپ مولشەردە قا جوعالتقاننان كوز جۇمدى. 13 جەرىنەن پىشاقتاعان، وق اتقان. عيماراتتا 20-عا جۋىق ادام بولدى، ياعني كۋاگەرلەر كوپ. ءبىز تالعار اۋداندىق ىشكى ىستەر بولىمىنە ارىز جازدىق»، - دەدى اعاسى ەرلان تاتتىبيەۆ.

مارقۇم جاسۇلان تاتتىبايەۆتىڭ تۋىستارى وبلىستىق ءىىد مەن تالعار اۋدانىنىڭ پروكۋرورىنا ارىزدانىپتى. بۇعان قوسا باس پروكۋرور قايرات قوجامجاروۆتىڭ دا نازارىن وزدەرىنە اۋدارۋعا تىرىسۋدا. انىقتالعانداي، 99 («ادام ءولتىرۋ») جانە 293 («بۇزاقىلىق») باپتارى بويىنشا كۇدىكتىلەر قاماۋدا وتىر، تەرگەۋ جالعاسىپ جاتىر.