2018 جىلعى 24 تامىزدا «جۇلدىزداردىڭ حقو-داعى ءبىر كۇنى» اتتى ءىس-شارا وتەدى دەپ حابارلايدى Qamshy.kz اقپارات اگەنتتىگى. «ازاماتتارعا ارنالعان ۇكىمەت» مەملەكەتتىك كورپوراسياسى» كوممەرسيالىق ەمەس اكسيونەرلىك قوعامىنىڭ باسپا ءسوز قىزمەتىنىڭ ۇسىنعان مالىمەتىنە سايكەس تانىمال قوعام قايراتكەرلەرى مەن شوۋ-بيزنەس جۇلدىزدارى استانا مەن الماتى قالالارىنداعى، سونىمەن قاتار اقمولا جانە الماتى وبلىستارىنداعى حقو-لاردا ءبىر كۇن جۇمىس ىستەمەك. ءاربىر فرونت-وفيستە جوبانىڭ ەكى قاتىسۋشىسىنان جۇمىس جاسايتىن بولادى دەيدى ولار. 

"الماتى قالاسىنداعى مەدەۋ اۋداندىق بولىمدە ايجان نۇرماعانبەتوۆا، مىرزاحان ماحانوۆ، قاسكەلەڭ قالاسىنداعى حقو-دا مارات وماروۆ پەن ازىمبەك بايلين حالىققا قىزمەت كورسەتپەك. استانا قالاسىنداعى مامانداندىرىلعان بولىمدە ءقىدىرالى بولمانوۆ، قۇرماش ماحانوۆ، اقمول اۋىلدىق حقو-دا جۋرناليست عاني جاپيشيەۆ پەن شاحاريزات سەيداحمەت حالىق يگىلىگى ءۇشىن ءوز قىزمەتىن ۇسىنباق. مۇنىڭ ءبارى 2020 جىلعا دەيىن قازاقستاندىقتاردىڭ سيفرلىق ءبىلىمىن جەتىلدىرۋ، ۇيدە وتىرىپ-اق مەملەكەت ۇسىنعان بارلىق ەلەكتروندى مۇمكىندىكتەردى پايدالانۋعا ۇيرەنسىن دەگەن ماقساتتا ۇيىمداستىرىلىپ جاتقان شارالار. ءبىر ايتا كەتەرلىگى، يدەيا مينيسترلىكتىكى. الداعى ۋاقىتتا ءبىز دە وسىنداي اۋقىمدى ءىس-شارالاردى وتكىزگىمىز كەلەدى. وعان تەك ەسترادا جۇلدىزدارىن عانا ەمەس، قوعام قايراتكەرلەرىن دە تارتپاقشىمىز" دەدى جاڭىل اپەتوۆا Qamshy.kz تىلشىسىنە بەرگەن سۇحباتىنا.