الماتىداعى مەكتەپتەردىڭ بىرىندە 6 سىنىپتا وقيتىن قىز قورادا تۇنەپ، مالمەن بىرگە اس ىشكەن. وگەي اكەسىنەن كۇندە تاياق جەپ، ءوز شەشەسىنەن قورلىق كورگەن ءجاسوسپىرىمنىڭ جانتۇرشىگەرلىك جاعدايى تۋرالى ەۋرازيا ءبىرىنشى ارناسىنا ءبىر توپ اتا-انا جەتكىزىپتى اجەسىنىڭ اڭگىرتاياعىنان زارەزاپ بولعان مەكتەپ وقۋشىسى اش قالماس ءۇشىن يتپەن بىرگە اۋقاتتانىپ، بىرنەشە كۇن ۇيىنە كىرە الماعان. ارنانىڭ ءتۇسىرىلىم توبى ادام سەنگىسىز جايتتى ءوز كوزىمەن كورىپ، شوشىنىپ قايتتى. ەۋرازيا ءبىرىنشى ارناسىنىڭ سيۋجەتىندە بىلاي دەلىنەدى:

««ۋحوديتە. ۋحوديتە وت مەنيا. ۋحوديتە. ميليسيۋ ۆىزىۆۋ... بابۋليا پەرەستان».  

بۇل وتباسى ارينە، ءبىزدى قۇشاق جايا قارسى الا قويمادى. اششى سۋعا تويىپ العان وقۋشى قىزدىڭ اجەسى ۇيىنە كىرگىزبەك تۇگىلى، جان-جاقتان قاۋمالاعان يتتەردىڭ ءجىبىن اعىتىپ جىبەردى. ادام سانىنا قاراعاندا يت پەن قۇس كوپ. ماسكۇنەمدەردىڭ ءبارى وسىندا جينالعان. قۇددى قوقىس پوليگونىنا ۇقسايدى. قاقپادان شىققان وقۋشى مۇعالىمدەرىن كورىپ جىلاپ جىبەردى. انام ۇرىپ سوقپايدى. تەك بوتەن بىرەۋلەر مەنى ساتپاق بولدى، دەيدى.

«مەنيا ۆووبششە حوتەلي پرودات. ەتو نە پو پراۆيلام. كتو؟ نە زنايۋ تري چەلوۆەكا. ماما ۋزنالا. ديليا، پرەكراتي. تى زا سۆوي يازىك پوپاداەش» - دەيدى 6-سىنىپ وقۋشىسى.

شىندىعىن ايتا الماي، ابدەن دىرىلدەگەن نەمەرەسىنىڭ اۋزىن جاۋىپ، ۇيىنە قۋىپ الەك بولعان اجەسى بىرگە تۇرادى ەكەن. اۋرۋحانادان شەشەسى دە جارتىلاي ماس كۇيى كەلدى. وگەي اكەسى دە وڭباپتى. ەكى كۇننىڭ بىرىندە ىشەدى. ۋچاسكەلىك پوليسەيلەر تىزىمدە تۇرعانىن ايتادى. ايتەۋىر، جان-جاقتان قويماعان سوڭ، اقىرى ۇيىنە باسا كوكتەپ كىرۋگە تۋرا كەلدى. قاقپادان كىرە بەرگەنىمىزدە-اق مۇرىندى جاۋىپ، اياقتى اڭداپ باستىق. 

«زانيمايۋس ۋچۋس. ۆوت ۋچەبنيكي. دا، سپليۋ تۋت. س كەم؟ ودنا. منە ماما كروۆات كۋپيلا. تەپەر ودنا سپليۋ». 

اۋلاداعى يتتەر دە ءۇي ىشىندە ەمىن-ەركىن كەزىپ ءجۇر. تۋرا شىبىننىڭ ۇياسىنداي، ۇشاتىن جاندىكتىڭ ءتۇر-تۇرى وسىندا. تاماق ۇستەلىندە تەمەكى تۇقىلى تولىپ جاتىر. كۇيە باسقان قازان-وشاق، كوگەرگەن زاتتارمەن ارالاسىپ تۇر. جۋىناتىن بولمە دە جوق. بۇل كورسەتكەن ەكى بولمەسىنىڭ سيقى. شەشەسى جۇمىستان قۋىلعان. كورىنگەننىڭ ءيتىن باعىپ كۇن كورەدى. بالانىڭ مەكتەپكە ساسىپ باراتىنى سودان بولار. 

- وت ۆاس پەرەگار سەيچاس.

- نۋ، ۆچەرا ۋ مۋجا دەن روجدەنيا بىل. سوباكامي زانيمايۋس. زا سوباك دەنگي پولۋچايۋ، - دەدى اناسى ۆەرونيكا. 
وتباسى بۇل باسپانادا وتىز جىلدان بەرى تۇرادى. قالانىڭ قاق ورتاسىندا ورنالاسقان. ون ەكى جىل بۇرىن اينالاسىنداعى بارلىق ۇيلەر ءسۇرىلىپ، رادوۆيچ اۋلەتىنە كەلگەندە قۇرىلىس توقتاپ قالىپتى. باسپانانىڭ ءتورت قۇبىلاسىندا تەرەڭ قازىلعان ءتورت ور بار. قۇلاعالى تۇرعان ءۇيدى جالعىز تەمىر تىرەپ تۇر.  سىنىپ جەتەكشىسى مەن ۋچاسكەلىك پوليسەيلەر اي سايىن تەكسەرىپ تۇرعانىمەن بىردە ءبىرى ءبىلىم بولىمىنە جەتكىزبەگەن بە، ايتەۋىر مەملەكەتتىك قورعاۋشىلار بىزدەن ەستىپ، ۇشىپ جەتتى. 

«جوق ءبىز بىلگەن جوقپىز. ءبىز ءبارىن بىردەي بىلە بەرمەيمىز. بۇل جەر سانيتارلىق نورماعا ساي ەمەس. قىزدىڭ دەنساۋلىعىنا زيان كەلتىرەدى. كوميسسيا ارقىلى قىزدى الىپ كەتەتىن شىعارمىز. ءبىزدىڭ قاداعالاۋىمىزدا بولادى» - دەيدى بوستاندىق اۋدانى ءبىلىم ءبولىمىنىڭ باس مامانى نيكولاي حان. 

ءبىلىم بولىمىندەگىلەر وتباسىنا تەك ءۇش كۇن عانا ۋاقىت بەردى. دۇيسەنبى كۇنى تەكسەرىسكە كەلگەنىندە ۇيدەگى يتتەر مەن اينالاسىنداعى قاپتاعان سۇيەكتەر تۇگەلىمەن جوعالسىن دەدى. جوندەۋ جۇمىسى بولماسا دا، ەڭ قۇرىعاندا شىبىنداردى كەتىرىپ، تازالىق ساقتاۋىن تالاپ ەتتى. ەگەر ول دا ورىندالماسا، 12 جاستاعى قىز مەملەكەت قامقورىنا ءوتۋى مۇمكىن.