ق ر مادەنيەت جانە سپورت مينيسترلىگى تاپسىرىسى بويىنشا ش.ايمانوۆ اتىنداعى «قازاقفيلم» اق جارىققا شىعارعان رەجيسسەر تولەگەن بايتوكەنوۆتىڭ تۇسىرگەن «ساتاش» ۆەستەرن جانرىنداعى ءفيلمى بيىل قازاننىڭ 12ء-ى مەن 21ء-ى ارالىعىندا وتەتىن 34ء-شى ۆارشاۆا كينوفەستيۆالىنىڭ «1-2 Competition» اتتى كونكۋرستىق باعدارلاماسىنا قاتىسادى. بۇل بايقاۋدا الەمنىڭ تۇكپىر-تۇكپىرىنەن كەلگەن رەجيسسەردىڭ العاشقى نەمەسە ەكىنشى رەت تۇسىرگەن تولىقمەتراجدى كوركەم فيلمدەرى كورسەتىلەدى.

«ساتاش» ءفيلمى تۋعان اۋىلىنا باسىپ كىرگەن قىلمىسكەرلەرمەن جالعىز كۇرەسكە تۇسكەن ۋچاسكەلىك پوليسەي تۋرالى باياندايدى. ءفيلمنىڭ باستى كەيىپكەرى ساتاش ەسىمدى اۋىلدىڭ ۋچاسكەلىك پوليسەيى اۋىل تۇرعىندارىنا كۇش جۇمساعان قىلمىسكەرلەرگە توتەپ بەرىپ، ءوزىنىڭ بورىشىن سوڭىنا دەيىن وتەيدى.

«ءبىزدىڭ ءتۇسىرىلىم توبى تۇسىرگەن ءفيلمدى وسىنداي بەلدى كينوفەستيۆال تاڭداپ العانىنا قۋانىپ وتىرمىن. كارتينا كورەرمەندەرگە ارنالعان جانرلىق فيلم بولىپ شىققان، دەسە دە فەستيۆالدەرگە قاتىسۋعا لايىقتى بولىپ شىققانى ماڭىزدى. «ساتاش» ءفيلمى – مەنىڭ العاشقى تولىقمەتراجدى تۋىندىم، سوندىقتان دا، بۇل فيلمىمە ارتىپ وتىرعان ۇلكەن جاۋاپكەرشىلىكتى سەزەمىن.  قازان ايىنىڭ سوڭىندا فيلم وتاندىق پروكاتقا شىعادى. وتاندىق كورەرمەندەردىڭ كوڭىلدەرىنەن شىعادى دەپ ۇمىتتەنەمىن»، - دەدى رەجيسسەر تولەگەن بايتۇكەنوۆ.

1985 جىلى قۇرىلعان ۆارشاۆا كينوفەستيۆالى الەمگە ايگىلى كانن، بەرلين جانە ۆەنەسيا كينوفەستيۆالدەرى سەكىلدى FIAPF (حالىقارالىق كينوپروديۋسەرلەر قاۋىمداستىعى فەدەراسياسى) تىركەۋىنەن وتكەن. فەستيۆالدىڭ ماقساتى –  الەمدىك كينەماتوگرافتاعى ەڭ جاڭا ءارى قىزىقتى جوبالارىمەن تانىستىرۋ.

«ءبىزدىڭ ماقساتىمىز، ءفيلمدى «وسكار» جۇلدەسىن العانعا دەيىن كورەرمەنگە كورسەتىپ، ال رەجيسسەردى كانن كينوفەستيۆالىندە ماراپاتقا يە بولعانعا دەيىن تانىستىرۋ. ءبىز الەمگە تانىلعان كينوگەرلەردىڭ سوڭىنان جۇگىرمەيمىز. مىسالى، ميحاەل حانەكە، كريستيان مۋندجۋ، پاۆەل پاۆليكوۆسكي، اري فولمان، اسگار فارحادي سىندى باسقا دا كينوگەرلەر، اتاق-داڭققا جەتكەنگە دەيىن ءبىزدىڭ فەستيۆالدىڭ قوناقتارى بولعان»، - دەپ اتاپ ءوتتى Warsaw Film Festival فەستيۆالىنىڭ ۇيىمداستىرۋشىلارى.

سونداي-اق ۆارشاۆا كينوفەستيۆالىندە تاۋەلسىز جانە يننوۆاسيالىق كينولارعا ارنالعان «Free Spirit»، سونداي-اق دەرەكتى جانە قىسقامەتراجدى فيلمدەرگە ارنالعان كونكۋرستىق باعدارلامالار بار. ال كونكۋرستان تىس باعدارلامالار شەڭبەرىندە «پولشا كلاسسيكاسى»، پولشالىق  قىسقامەتراجدى فيلمدەر جانە حالىقارالىق كينوفەستيۆالدەردە كورسەتىلگەن الەمدىك فيلمدەر كورسەتىلەدى.