باعالى قاعازدار مەن اقش بيرجاسى (SEC) بويىنشا قۇرىلعان كوميسسيا Tesla كومپانياسىنىڭ باسشىسى يلون ماسكتى الاياقتىق جاسادى دەپ ايىپتاپ، باس ديرەكتور قىزمەتىنەن الىپ تاستاۋدى تالاپ ەتتى. سونىڭ سالدارىنان اكسيا 12% قۇلدىرادى.
ەستەرىڭىزگە سالا كەتەيىك، SEC ماسكتى سوتقا بەرگەن. ولاردىڭ ايتۋىنشا، يلون ماسك «كومپانيا جەكەشەلەندىرىلەدى» دەگەن جالعان اقپارات تاراتقان.
Tesla كومپانياسى SECء-تىڭ بارلىق شارتتارىن ورىنداۋعا كەلىستى. ولاردىڭ ءبىرى – ماسكتى Tesla-نىڭ ديرەكتورلار كەڭەسىنىڭ ءتوراعاسى قىزمەتىنەن الىپ تاستاۋ. بۇل شارتتى ورىنداۋعا 45 كۇن بەرىلدى. ماسك 3 جىل بۇل قىزمەتكە تاعايىندالا المايدى. ءبىراق Tesla-نىڭ باس ديرەكتورى بولا الادى.
Tesla كومپانياسى 20 ميلليون دوللار كولەمىندە ايىپپۇل تولەۋى قاجەت. بۇل قارجى زارداپ شەككەن ينۆەستورلارعا ۇلەستىرىلەدى. Tesla كومپانياسى كەڭەسىنە ەكى تاۋەلسىز ديرەكتوردى تاعايىندايدى. سونىمەن قاتار، ماسكتىڭ جازبالارى مەن مالىمدەمەلەرىن تەكسەرىپ وتىراتىن ادۆوكات جالدايدى.
