بۇگىن الەم جانكۇيەرلەرى تاعاتسىزدانا كۇتكەن داعىستاندىق حابيب نۇرماعامەدوۆ پەن كونور ماكگرەگوردىڭ جەكپە-جەگى لاس-ۆەگاستاعى T-Mobile ارەناسىندا ءوتتى دەپ حابارلايدى Qamshy.kz اقپارات اگەنتتىگى. بۇل جەكپە-جەكتى «QAZSPORT» تەلەارناسى تىكەلەي ەفير ارقىلى كورسەتتى. عاسىر جەكپە-جەگىندە كونور ماكگرەگور حابيب نۇرماعامەدوۆكە ەسە جىبەردى.
العاشقى راۋندتتىڭ ءوزىن ەموسياسىز قاراۋ مۇمكىن بولمادى. ەكى سپورتشى دا جاقسى قورعانا ءبىلدى. العاشقى راۋندتا ءحابيبتىڭ سوققىسىنا قاراعاندا كونوردىڭ سوققىسى باسىمىراق بولدى. ەكىنشى راۋندتا حابيب كۇتپەگەن جەردەن ءوزىنىڭ جويقىن سوققىسىن جاسادى. ءمۇنداي جويقىن سوققىنى جانكۇيەرلەر دە، كونور دا كۇتپەگەن ەدى. ەكىنشى راۋندتا حابيب ءوز ۋادەسىن ورىنداعانداي بولدى. سەبەبى بۇل كونور ءۇشىن ەڭ ۇزاق راۋند بولدى. حابيب نۇرماعامەدوۆ ەكىنشى راۋندتا 50-دەن اسا سوققى جاساپ ۇلگەردى. ءۇشىنشى راۋندتا ەكى سپورتشى دا ارا قاشىقتىققا ءمان بەرىپ، قورعانىستى كۇشەيتتى. كونور سول قولىمەن سوققى جاساعىسى كەلدى. الايدا حابيب كونورعا مۇمكىندىك بەرمەدى. جانكۇيەرلەر بۇل جەكپە-جەكتىڭ 3 راۋندتا نوكاۋتپەن اياقتالۋىن كۇتكەن ەدى. ءتورتىنشى جەكپە-جەكتە حابيب نۇرماگامەدوۆ تە، كونور ماكگرەگور دا شارشاي باستادى. حابيب نۇرماگامەدوۆ ءتورتىنشى راۋندتا كونوردى قىلعىندىرىپ جەڭىسكە جەتتى. الايدا ماكگرەگوردىڭ جانكۇيەرلەرى شۋ شىعارعاندىقتان ۇيىمداستىرۋشىلار حابيبكە UFC بەلدىگىن تابىستامادى.
داعىستاندىق سپورتشى وسىعان دەيىن 26 جەكپە-جەك وتكىزىپ، بارلىعىندا جەڭىسكە جەتكەن. ال كونور ماكگرەگور 2015-2017 جىلدار ارالىعىندا 24 جەكپە-جەك وتكىزىپ، 21-ىندە جەڭىسكە جەتكەن. حابيب نۇرماگامەدوۆ 2014 جىلى كونور ماكگرەگوردىڭ جەكپە-جەگىنە ءتانتى بولىپ، جانكۇيەرى بولعانىن ايتا كەتۋ كەرەك. الايدا جەڭىل سالماقتاعى چەمپيون پەن ونىڭ كۋميرىنىڭ اراسىندا داۋ تۋىندايدى. داۋدىڭ باسى ءحابيبتىڭ ازىلىنەن باستالعان سەكىلدى. بىلتىر كونور ءوزىنىڭ ايەلى اياعى اۋىر بولعاسىن، 1 جىلدىق دەمالىس الادى. سول كەزدە حابيب «كونوردىڭ ايەلى ەمەس، ءوزى جۇكتى بولىپ قالعان سياقتى. قىسقاسى، كونور دەكرەتتە» دەپ ونىڭ شامىنا تيەتىن مالىمدەمە جاسادى. كەيىن بۇل ءسوزدى ەستىپ اشۋلانعان كونور ماكگرەگور ءحابيبتىڭ اكەسىن بالاعاتتايدى. بۇل داۋ توبەلەسكە ۇلاسا جازداپ، بۇگىنگى جەكپە-جەكتىڭ كورەرمەندەردىڭ قىزىعۋشىلىعىن ودان سايىن ارتتىرماسا كەمىتكەن جوق.
بۇگىنگى كەزدەسۋدەن بۇرىن حابيب پەن كونور ماكگرەگور قاتىسقان 2 مارتە پرەسس-كونفەرەنسيا وتكەن بولاتىن. العاشقى پرەسس-كونفەرەنسيا كەزىندە كونور ءوزىنىڭ يتالياندىق ۆيسكيىن الىپ كەلىپ، حابيبكە ۇسىنعان. الايدا حابيب ءوزىن سابىرلى ۇستاپ "مەن ىشپەيمىن"، - دەپ جاۋاپ بەردى.
كونور ماكگرەگور ءحابيبتى وڭاي جەڭەتىنىن ايتىپ، ءوزىنىڭ جانكۇيەرلەرىنە بۇل جەكپە-جەكتەن كەيىن حابيب اۋرۋحانادان ءبىر-اق شىعادى دەپ ۋادە بەرگەن بولاتىن. ال حابيب ءوز كەزەگىندە كونورعا بۇل جەكپە-جەكتىڭ ۇزاققا سوزىلاتىنىن ايتىپ، ءوزىن ۇناتپاعان شەتەلدىك جانكۇيەرلەرگە "ءالى-اق مەنى مويىندايتىن بولاسىڭدار"، -دەپ ۋادە بەردى.
ال ەكىنشى پرەسس-كونفەرەنسيا كەزىندە ماكگرەگور كەشىگىپ كەلدى. كونور مۇنى ادەيى ىستەدى مە الدە شىنىمەن كەپتەلىستىڭ سەبەبىنەن كەشىكتى مە بەلگىسىز. حابيب بولسا كونور ماكگرەگوردىڭ بۇل ىس-ارەكەتىن جانكۇيەرلەردى، جۋرناليستەردى سىيلاماعاندىق دەپ باعالادى. كەيىن جۋرناليستەر قويعان ساۋالدارعا جاۋاپ بەرىپ، پرەسس-كونفەرەنسيادان كەتىپ قالدى.
ماكگرەگور جەكپە-جەك كەزىندە ءحابيبتىڭ ولىگى عانا شىعاتىنىن ايتقان بولاتىن. 2015-2017 جىلدار ارالىعىندا قارسىلاس شاق كەلتىرمەي جۇرگەن ەدى. كەيىن ەرەجەسىز جەكپە-جەكتەن كەتىپ، كاسىپقوي بوكسشى مايۆەزەرمەن قولعاپ تۇيىستىرگەن بولاتىن. مايۆەزەردى مەنسىنبەگەن ماكگرەگور بۇل جەكپە-جەكتە قارسىلاسىنا ەسە جىبەرگەن بولاتىن.
حابيب نۇرماعامەدوۆ ءوزىنىڭ سۇقباتتارىنىڭ بىرىندە كونور ماكگرەگوردىڭ ىشىمدىك ىشەتىنىن سىناعان بولاتىن. ول "كونور ىشىمدىككە قۇمار. جەكپە-جەككەزىندە ماعان قالاي قارسى تۇرايىن دەپ تۇر ونىسىن تۇسىنبەدىم. مەن ونى باعالاماي تۇرعان جوقپىن. ول سول قولىمنە جويقىن سوققى جاسايدى. مەن ونى بىلەمىن. الايدا ول شارشاعان ساتتە بەرىلە سالادى. ال وسىعان دەيىن بولعان جايتتار تۋرالى جەكپە-جەك كەزىندە جاقسىلاپ سويلەسەتىن بولامىز"،- دەگەن بولاتىن.
